28.11.2024 | 20:38
Միրզոյանը և Ֆինլանդիայի նախագահը մտքեր են փոխանակել տարածաշրջանային հարցերի շուրջ
Ինչու է փոխվում ՀՀ օրհներգի տեքստը. նախարարի տեղակալի պարզաբանումը․ ՏԵՍԱՆՅՈՒԹ
Քաղաքականություն
28.11.2024 | 15:25
ՀՀ օրհներգը մինչ այժմ կատարվում էր աղավաղված տարբերակներով, անորակ ձայնագրություններով և տարբեր տեսակի մեկնաբանություններով, լրագրողների հետ զրույցում ասաց ԿԳՄՍ փոխնախարար Դանիել Դանիելյանը։
Նա նշեց, որ առաջարկվող փոփոխությամբ կունենանք օրհներգի մեկ միասնական տարբերակ, որը կօգտագործվի բոլոր միջոցառումներին՝ որակյալ ձայնագրություններով և ճշգրիտ կատարումներով.«Մենք պետական բարձրորակ խմբեր ունենք՝ երգչախումբ, վոկալ, նվագախմբեր։ Կհանձնարարենք և կանենք»։
Փոխնախարարը նշեց, որ օրհներգի տեքստից ոչ մի բան չի հանվել․ «Ամբողջական տեքստը, որը կար 2006 թվականի տարբերակում, ամբողջությամբ մնացել է, տների տեղափոխություն է տեղի ունեցել։ Հիմնը պետք է ունենա իր դինամիկան, որպեսզի տրամաբանական զարգացում կատարվի։ Առաջին տան մեջ մենք խոսում ենք հայրենիք-պետության մասին, երկրորդում՝ ազատության փիլիսոփայության մասին, երրորդում՝ պետականության մյուս կարևոր նշանի՝ դրոշի մասին, և այն վերջացնում ենք ուղերձով՝ «թող միշտ պանծա Հայաստան», որն ուղերձ է այսօրվա քաղաքացուն»։
Դիտարկմանը, թե այն հեղինակային ստեղծագործություն է, արդյո՞ք իրենք իրավասու են փոփոխելու՝ Դանիելյանը պատասխանեց.«Միքայել Նալբանդյանը գրել է «Իտալացի աղջկա երգը», որն ուրիշ տրամաբանությամբ և ուրիշ ակնկալիքներով է եղել։ Իսկ հիմա մենք խոսում ենք պետական օրհներգի մասին»։
Մանրամասները՝ տեսանյութում։
