14.02.2026 | 20:05
«Տոտենհեմը» նոր գլխավոր մարզիչ ունի
ՆԱՏՕ-ն պատրաստվում է կանխարգելող հարված հասցնել, եթե ՌԴ-ն փորձի միջուկային զենք կիրառել․ Օլեգ Ժդանով․ ՏԵՍԱՆՅՈՒԹ
Քաղաքականություն
27.11.2024 | 19:30
Ուկրաինական կողմին ամերիկյան ATACMS և բրիտանա-ֆրանսիական Storm Shadow/SCALP հրթիռներով ՌԴ տարածքին հարվածելու թույլտվություն տրամադրելու որոշումն ուշացած էր, և եթե այս որոշումն ընդունվեր 2022 թվականին, Ուկրաինան պատերազմն արդեն այն ժամանակ կավարտեր, Factor TV-ի հետ զրույցում նշում է ուկրաինացի ռազմական փորձագետ Օլեգ Ժդանովը։
Նրա խոսքով՝ հրթիռների կիրառման հետ կապված օբյեկտների որևէ սահմանափակում արևմտյան երկրները չեն դրել, ուկրաինական կողմի ներկայացրած 250 թիրախներից Պենտագոնը հաստատել է շուրջ 200 ռազմական թիրախ։ Ժդանովը հավելում է՝ Ղրիմի կամուրջը նույնպես այս հրթիռների լեգիտիմ թիրախների թվում է։
Անդրադառնալով Ուկրաինայում պատերազմի ավարտի վերաբերյալ «Թրամփի պլանին»՝ փորձագետը կարծիք է հայտնում, որ նման պլան գոյություն չունի, և քանի դեռ ԱՄՆ նորընտիր նախագահը չի ստանձնել պարտականությունները, անիմաստ է խոսել այդ հարցում նախապես հայտնի և ծրագրված քաղաքականության մասին։
Հարցազրույցն ամբողջությամբ՝ տեսանյութում։
Սամվել Մելիքսեթյան
