10.08.2026 | 23:23
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
Լիտվան հայտարարել է, որ Ուկրաինա զորք ուղարկելու համար ամբողջ ՆԱՏՕ-ի համաձայնությունն անհրաժեշտ չէ
Քաղաքականություն
27.11.2024 | 16:14
Լիտվան պաշտպանում է Ուկրաինա արևմտյան պետությունների զորքեր ուղարկելու՝ Փարիզի գաղափարը։ Այս մասին ասել է ՆԱՏՕ-ում Լիտվայի դեսպան Դեյվիդաս Մատուլոնիսը, փոխանցում է radiosvoboda.org-ը։
Նրա խոսքով՝ եթե Ֆրանսիան նման որոշում կայացնի, դրա համար Դաշինքի թույլտվությունը պետք չէ։
«Դրանք կարող են լինել ազգային որոշումներ, մի խումբ երկրներ, կոալիցիա, որը ցանկանում է միանալ այս նախաձեռնությանը, պարտադիր չէ ունենալ համաձայնագիր կամ ՆԱՏՕ-ի պիտակ»,- պարզաբանել է դիվանագետը:
Նա, սակայն, խոստովանել է, որ առայժմ Ուկրաինա արևմտյան զորքեր ուղարկելն «ուղղակի գաղափար է», որի վերաբերյալ տարբեր երկրներ տարբեր առաջարկներ ունեն։ Միաժամանակ, ըստ դեսպանի, հաջորդ շաբաթ Բրյուսելում կայանալիք հանդիպմանը ՆԱՏՕ-ի արտգործնախարարները կարող են կրկին բարձրացնել այդ թեման:
Թարգմանությունը՝ Տաթև Ֆռանգյանի
