19.07.2026 | 13:39
«Սնանկացման եզրին ենք․ սկսել ենք ԵՄ չափանիշների ներդնումը, բայց ելքը ՌԴ շուկան բացելն է»․ ձկնաբույծ․ ՏԵՍԱՆՅՈւԹ
Հայաստանը չի մասնակցի նոյեմբերի 28-ի ՀԱՊԿ գագաթնաժողովին․ Պուտինի օգնական
Քաղաքականություն
26.11.2024 | 18:08
Հայաստանը չի մասնակցի նոյեմբերի 28-ին Աստանայում կայանալիք ՀԱՊԿ գագաթնաժողովին, սակայն Երևանը զգուշացրել է, որ դեմ չէ հանդիպման ժամանակ համաձայնեցված փաստաթղթերի ընդունմանը։ Այս մասին հայտարարել է ՌԴ նախագահի օգնական Յուրի Ուշակովը, գրում է ՏԱՍՍ-ը։
«Հայաստանը չի մասնակցի, բայց նրա ներկայացուցիչները նախապես հայտնել են, որ ոչ մի դեմ բան չունեն գագաթնաժողովում համապատասխան համաձայնեցված փաստաթղթերի ընդունմանը»,- ասել է Ուշակովը։
Ըստ նրա՝ ՌԴ-ն հարգանոքով է վերաբերում Հայաստանի անկախ կուրսին, որը դադարեցրել է ակտիվ մասնակցությունը ՀԱՊԿ գործունեությանը։
«Մենք կասկածի տակ չենք դնում մեր հայ գործընկերների՝ իրենց ուղին ինքնուրույն որոշելու իրավունքը։ Դե յուրե, Երևանը մնում է ՀԱՊԿ-ի լիիրավ անդամ և այդպիսով պահպանում է բոլոր համապատասխան իրավունքներն ու պարտականությունները։ ՀԱՊԿ աշխատանքին Հայաստանի ֆիզիկական վերադարձի դռները բաց են, և մենք հույս ունենք, որ վաղ թե ուշ Հայաստանի ներկայացուցիչները կվերսկսեն համագործակցությունն այս կազմակերպության շրջանակում»,- նշել է Պուտինի օգնականը։
Ինչ վերաբերում է գագաթնաժողովի օրակարգին, ըստ Ուշակովի՝ ՀԱՊԿ Հավաքական անվտանգության խորհրդի լիագումար նիստում երկրների ղեկավարները կքննարկեն կազմակերպությունում Ղրղզստանի նախագահության ընթացքում գործունեության առաջնահերթ ուղղությունները։
Թարգմանությունը՝ Էմմա Չոբանյանի
