26.11.2024 | 17:18
Հայելիով տեսա, որ հարգելի պատգամավորը խփեց հեռախոսին. ավտոբուսի վարորդ․ ՏԵՍԱՆՅՈՒԹ
Քննարկվել են քրեակատարողական և պրոբացիայի ծառայություններին ցուցաբերվող աջակցության հարցեր
Հասարակություն
26.11.2024 | 13:47
Արդարադատության նախարարի տեղակալ Կարեն Կարապետյանը հանդիպել է Եվրոպայի խորհրդի Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման Եվրոպական կոմիտեի (ԽԿԿ) գլխավոր քարտուղար Հյու Չեթվինդի հետ:
«Նախարարի տեղակալը շնորհակալություն է հայտնել ԵԽ-ի կողմից Արդարադատության նախարարության քրեակատարողական և պրոբացիայի ծառայություններին ցուցաբերվող փորձագիտական և տեխնիկական աջակցության համար: Նա նշել է, որ Հայաստանը որդեգրել է պատժողական քաղաքականությունից անցում դեպի վերականգնողական քաղաքականությանը՝ կարևորելով ազատությունից զրկված անձանց վերաինտեգրումը հասարակությանը»,- ասված է ՀՀ ԱՆ-ի տարածած հաղորդագրությունում։
Նշվում է, որ ԽԿԿ գլխավոր քարտուղար Հյու Չեթվինդն ընդգծել է Հայաստանի թափանցիկ քաղաքականության կարևորությունը և շնորհակալություն հայտնել հայկական կողմին ԽԿԿ 2023թ․սեպտեմբերին ՀՀ այցից հետո կազմված Հայաստանի վերաբերյալ զեկույցը հրապարկելու համաձայնություն տալու համար․ «Զեկույցը դրական է գնահատվել ԽԿԿ կողմից և ընդգծվել է Կառավարության ջանքերն ուղղված ազատությունից զրկված անձանց պահման պայմանների բարելավմանը, իրավունքների երաշխավորմանը, օրենսդրական և ինստիտուցիոնալ բազան ԽԿԿ-ի չափանիշներին համապատասխանեցմանը»:
Հանդիպման ավարտին կողմերը քննարկել են զեկույցից բխող խնդիրների շրջանակներում հետագա համագործակցության ուղիները:
