26.05.2026 | 17:40
Մեր գործընկերությունը դառնում է ռազմավարական,երբ կիսում ենք տեսլականը մեր ապագայի վերաբերյալ․ Ռուբիո․ ՏԵՍԱՆՅՈՒԹ
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Քաղաքականություն
24.11.2024 | 12:41
ՀՀ պաշտպանության նախարարությունը հայտարարություն է տարածել սպառազինության ձեռքբերման և բանակցությունների մանրամասների վերաբերյալ օտարերկրյա լրատվամիջոցներում տեղ գտնող հրապարակումների վերաբերյալ․
«ԶԼՄ հարգելի՛ գործընկերներ, օտարերկրյա լրատվամիջոցներում շարունակում են զետեղվել ՀՀ ԶՈՒ պաշտպանական կարողություններն ընդլայնելու նպատակով սպառազինության ձեռքբերման, ինչպես նաև ձեռքբերման բանակցությունների մանրամասների վերաբերյալ իրականությանը չհամապատասխանող մի շարք հրապարակումներ:
Այդօրինակ հրապարակումներն արագորեն տարածում են գտնում նաև Հայաստանի Հանրապետությունում գործող լրատվամիջոցներում:
Պաշտպանության նախարարությունը, տեղեկատվական անվտանգության պահպանման նկատառմամբ, ևս մեկ անգամ հորդորում է, նախքան նման նյութերը հրապարակելը, համապատասխան ճշտումներ և ճշգրտումներ կատարել պաշտպանական գերատեսչության հետ»,- նշված է հայտարարությունում:
