25.04.2025 | 22:47
Համլետ Մանուկյանը, Արթուր Ավետիսյանը և Վահագն Դավթյանը անցել են եզրափակիչ փուլ. Աշխարհի գավաթ
Քննարկվել է անդրազգային հանցավորության դեմ պայքարում համագործակցությունը
Հասարակություն
22.11.2024 | 15:07
Հայաստանի Հանրապետության գլխավոր դատախազ Աննա Վարդապետյանն այսօր ընդունել է ՀՀ-ում Չինաստանի Ժողովրդական Հանրապետության գործերի հավատարմատար Չեն Մինին:
«Աննա Վարդապետյանը շնորհակալություն է հայտնել Հայաստանում Չինաստանի գործերի հավատարմատարին հանդիպումը նախաձեռնելու համար և կարևորել ոլորտային հարցերի և խնդիրների արդյունավետ լուծմանը նպաստող նման ձևաչափով աշխատանքային հանդիպումները:
Հանդիպման ընթացքում անդրադարձ է կատարվել իրավական փոխօգնության ոլորտում երկուստեք հետաքրքրություն ներկայացնող մի շարք հարցերի, քննարկվել է անդրազգային հանցավորության դեմ պայքարում համագործակցությունը»,- ասված է ՀՀ գլխավոր դատախազության տարածած հաղորդագրությունում։
