23.06.2026 | 15:43
Ռուսաստանի ևս մի քանի շրջաններում բենզինի և դիզելային վառելիքի վաճառքի սահմանափակումներ են մտցվել
Թուրքիայի խորհրդարանում ՆԳ նախարարի մասնակցությամբ ծեծկռտուք է տեղի ունեցել․ ՏԵՍԱՆՅՈՒԹ
Քաղաքականություն
20.11.2024 | 15:24
Թուրքիայի խորհրդարանում ներքին գործերի նախարարության բյուջեի քննարկումների ժամանակ, որին մասնակցել է նախարար Ալի Երլիքայան, ծեծկռտուք է տեղի ունեցել։ Առճակատման պատճառ է դարձել ընդդիմադիր պատգամավորների բողոքը՝ ընդդեմ կառավարության կողմից տեղական ինքնակառավարման մարմիններում ընդդիմադիր կուսակցությունների թեկնածուների պաշտոնակնության։
Թուրքական լրատվամիջոցների հաղորդմամբ՝ միջադեպը սկսվել է, երբ ներքին գործերի նախարար Ալի Երլիքայան փորձել է մտնել հանձնաժողովի նիստի դահլիճ։ Ընդդիմադիր պատգամավորները, հիմնականում՝ գլխավոր ընդդիմադիր Ժողովրդահանրապետական կուսակցության (CHP), ի նշան բողոքի՝ արգելափակել են նրա մուտքը։
Նրանք պարզել են «Ո՛չ հոգաբարձու բյուջեին» գրությամբ ցուցանակներ։
Երլիքայայի և CHP-ի պատգամավոր Ալի Մահիր Բասարիրի միջև վիճաբանությունը վերաճել է ծեծկռտուքի։
Երլիքայան նաև հարվածել է միջադեպը նկարակահանող լրագրողի տեսախցիկին։ Ավելի ուշ ծեծկռտուք է սկսվել իշխող Արդարություն և զարգացում կուսակցության ու CHP-ի պատգամավորների միջև։
Թարգմանությունը՝ Էմմա Չոբանյանի
