Ադրբեջանում բանտարկված ընդդիմադիր կին լրագրողները ֆիզիկական բռնության են ենթարկվել

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Ադրբեջանական ընդդիմադիր Abzas Media-ի երեք կին լրագրողները ֆիզիկական բռնության են ենթարկվել Բաքվի թիվ 1 քննչական մեկուսարանում։ Բանտապահները նրանց ձեռքերը սեղմել են բանտի դռների արանքում, քանի որ նրանք բողոքել են բանտախցում վատ օդափոխությունից։

«Սևինջն ասաց, որ որոշ բանտարկյալներ, այդ թվում՝ էպիլեպսիայով անձինք և հղի կանայք, սկսել են շնչառության դժվարություններ ունենալ մաքուր օդի բացակայության պատճառով: Երբ իրավիճակը վատթարացել է, կալանավորները պահանջել են բացել բանտի դռների պատուհանները՝ հարվածելով դռներին, իսկ Սևինջը գլխավորել է բողոքի ակցիան։ Ազիզա Մամեդովա անունով պահակը մասամբ բացել է բանտի դռան պատուհանը, որտեղ պահվում է Սևինջը և բղավել նրա վրա։ Երբ Սևինջը փորձել է խանգարել պատուհանը փակելուն՝ ձեռքը դուրս հանելով, Մամեդովան ուժով փակել է այն՝ Սևինջին ձեռքի վնասվածք հասցնելով։ Նարգիզն ու Էլնարան նույնպես նման բռնության են ենթարկվել»,- ասել է կալանավորված լրագրող Սևինջ Վագիֆքըզիի մայրը՝ Օֆելյա Մահերրամովան։

2600 բանտարկյալների համար կառուցված գերծանրաբեռնված հաստատությունում ավելի քան 4300 բանտարկյալ կա։

Մի քանի օր առաջ էլ բանտապահը վիրավորել էր Abzas Media-ի մեկ այլ լրագրողի՝ Նարգիզ Աբսալամովային, և իրավիճակը սրվել է, երբ Սևինջն ու Էլնարան վիճարկել են պահակի ոչ պատշաճ պահվածքը։

«Երբ երեկոյան հերթափոխին դռները փակել են, մեկ այլ կին պահակ վիրավորել է Նարգիզին և ոլորել նրա ձեռքը»,- պատմել է նրա հարազատներից մեկը, որը ցանկացել է անանուն մնալ։

Abzas Media-ի բանտարկված լրագրող Էլնարա Գասիմովան էլ հեռախոսով հայտնել է իր ընտանիքին միջադեպի մասին՝ նշելով, որ Շահլա անունով պահակը վիրավորել է Նարգիզին, որը կալանավայրի անվտանգության նախկին պետ Նազաքաթ Մամեդովայի դուստրն է։ Շահլան պաշտոնը ստանձնել է մոր հեռանալուց հետո: Էլնարայի զանգն անմիջապես ընդհատվել է, երբ նա նշել է պահակի անունը։

Իրավապաշտպան Ագիլ Լայիչին թույլ չեն տվել հանդիպել Սևինջ Վագիֆքըզիի հետ:

Մահերոմավան հայտնել է, որ լրագրողները պատրաստվում են հացադուլ սկսել, եթե նրանց նկատմամբ նման գործողությունները չդադարեցվեն։

Հավելենք, որ Abzas Media-ի գործով, որը հիմնականում զբաղվում է Ադրբեջանի իշխանությունների կոռուպցիոն գործարքների հետաքննությամբ,  կալանավորված են վեց լրագրողներ՝ տնօրեն Ուլվի Հասանլին, փոխտնօրեն Մուհամմադ Կեկալովը, գլխավոր խմբագիր Սևինջ Վագիֆքըզին, լրագրող Նարգիզ Աբսալամովան և հետաքննող լրագրող Հաֆիզ Բաբալին, լրագրող Էլնարա Գասիմովան, տնտեսագետ Ֆարիդ Մեհրալիզադեն։

Նրանց մեղադրանք է առաջադրվել Ադրբեջանի Քրեական օրենսգրքի յոթ հոդվածներով (մաքսանենգություն, որը կատարվել է կազմակերպված խմբի կողմից, ապօրինի ձեռնարկատիրություն, դիտավորությամբ կեղծ փաստաթղթերի օգտագործում, հարկերից խուսափել և այլն): Այս հոդվածները նախատեսում են մինչև 12 տարի ազատազրկում։ Լրագրողներից որևէ մեկն առաջադրված մեղադրանքը չի ընդունում։ Նրանք հայտարարում են, որ  լրատվամիջոցին ու իրենց պատժում են մասնագիտական գործունեության համար։

Թարգմանությունը՝ Էմմա Չոբանյանի