23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ալիևն ու Միշուստինը Բաքվում բանակցություններ են անցկացրել
Քաղաքականություն
13.11.2024 | 18:32
Ռուսաստանի վարչապետ Միխայիլ Միշուստինը COP29-ի շրջանակում հանդիպել է Ադրբեջանի նախագահ Իլհամ Ալիևի հետ։ ՏԱՍՍ-ի փոխանցմամբ՝ Միշուստինը Ալիևին է փոխանցել ՌԴ նախագահ Վլադիմիր Պուտինի ջերմ բարեմաղթանքները, ինչպես նաև շնորհավորել ՄԱԿ-ի կլիմայի համաժողովի հաջող անցկացման կապակցությամբ։
«Վլադիմիր Պուտինն անձամբ է փոխանցել ձեզ իր ամենաջերմ բարեմաղթանքները։ Նա խնդրել է շնորհավորել ձեզ այս համաժողովի հաջող անցկացման կապակցությամբ։ Առաջին անգամ է, որ համաժողովն անցկացվում է Հարավային Կովկասում։ Դա նաև ընդգծում է Ադրբեջանի հատուկ դերը, որը, գիտեմ, շատ բան է արել օրակարգը կազմակերպելու համար»,- ասել է Միշուստինը։
Ալիևն իր հերթին բարեմաղթանքներ և ողջույններ է փոխանցել ՌԴ նախագահին։
Նշենք, սա Միշուստինի Բաքու այցի վերջին իրադարձությունն է։ Ավելի վաղ ՌԴ վարչապետը ելույթ է ունեցել ՄԱԿ-ի կլիմայական գագաթնաժողովում, զրուցել ՄԱԿ-ի գլխավոր քարտուղար Անտոնիո Գուտերեշին և բանակցություններ վարել Ադրբեջանի վարչապետ Ալի Ասադովի հետ։
Թարգմանությունը՝ Էմմա Չոբանյանի
