06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Բաքվում տեղի է ունեցել COP29-ի պաշտոնական բացումը
Քաղաքականություն
11.11.2024 | 13:11
Այսօր Բաքվի Օլիմպիական մարզադաշտում տեղի է ունեցել ՄԱԿ-ի կլիմայական համաժողովի՝ COP29 համաժողովի բացման արարողությունը: Ադրբեջանական լրատվամիջոցների փոխանցմամբ՝ բացման արարողության շրջանակներում COP29-ի նախագահությունը տրվել է Բաքվին, իսկ Ադրբեջանի բնապահպանության և բնական պաշարների նախարար Մուխթար Բաբաևը ընտրվել է COP29-ի նախագահ։
Որոշումը ներկայացրել է COP28-ի նախագահ Սուլթան Ահմեդ Ալ Ջաբերը և նախագահությունը փոխանցել է Բաբաևին։
Ալ Ջաբերը, ելույթ ունենալով բացման արարողության ժամանակ, ընդգծել է վճռական գործողությունների անհրաժեշտությունը՝ վկայակոչելով Ադրբեջանի «Հանուն կանաչ աշխարհի համերաշխության» կարգախոսը։ Նա կոչ է արել երկրներին համագործակցել և գործընկերային հարաբերություններ ստեղծել կլիմայի փոփոխության դեմ պայքարում։
Համաժողովը տևելու է մինչև նոյեմբերի 22-ը։ Գլխավոր միջոցառումը՝ առաջնորդների գագաթնաժողովը, անցկացվելու է նոյեմբերի 12-13-ը։ Սպասվում է, որ միջոցառմանը ելույթ են ունենալու ՄԱԿ-ի գլխավոր քարտուղար Անտոնիո Գուտերեշը, Ադրբեջանի նախագահ Իլհամ Ալիևը և այլ երկրների ղեկավարներ։
Թարգմանությունը՝ Էմմա Չոբանյանի
