29.06.2026 | 18:05
Գերմանիայի հյուսիսում կրակոցների հետևանքով առնվազն 5 մարդ է զոհվել
Մենք որևիցե թեկնածուի հետ բանավիճելու խնդիր չունենք, բայց որպես առաջատար թեկնածու առանձնացնում ենք Հայկ Մարությանին և Նաիրա Զոհրաբյանին. թող բանավիճեն. Վահե Էնֆիաջյան. ՏԵՍԱՆՅՈՒԹ
Քաղաքականություն
17.09.2018 | 12:14
Ազգային ժողովի «Ծառուկյան» խմբակցության պատգամավոր Վահե էնֆիաջյանի համոզմամբ՝ Նաիրա Զոհրաբյանի և Հայկ Մարությանի բանավեճը բոլորին էլ հետաքրքիր կարող է լինել։ Այս մասին այսօր Ազգային ժողովում լրագրողների հետ ճեպազրույցում ասաց պատգամավորն՝ անդրադառնալով հարցին ՝ ինչո՞ւ Հայկ Մարությանը պետք է բանավիճի հենց Նաիրա Զոհրաբյանի հետ։
«Մենք ընդհանրապես բոլոր թեկնածուների հետ բանավիճելու խնդիր չունենք։ Բայց հիմնական մրցակցությունը, ինչպես առանձնացնում են տարբեր սոցիոլոգիական կազմակերպություններ, Նաիրա Զոհրաբյանի և Հայկ Մարությանի միջև է, դրա համար էլ առաջարկում եմ՝ թող իրենց մեջ այդ բանավեճը տեղի ունենա»,- ասաց պատգամավորը։
Վերջինս նաև նշեց, որ «Ծառուկյան» դաշինքը որևէ մեկին սպիտակեցնելու կամ սևացնելու ցանկություն չունի, և իրենք բոլորն էլ եռագույնի ներքո ենք գործում։
«Մենք կարծում ենք, որ հավասար պայմաններով հանդիպում տեղի կունենա։ Մենք վստահ ենք, որ Նաիրա Զոհրաբյանը երկրի ներքաղաքական գործընթացներին տեղյակ մարդ է, կազմակերպչական ջիղ ու ունակություններ ունի և որևիցե խնդիր չենք տեսնում»,- ասաց Վահե Էնֆիաջյանը։
Մանրամասները՝ տեսանյութում։
