30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Դոնալդ Թրամփն ընտրվեց ԱՄՆ 47-րդ նախագահ
Քաղաքականություն
06.11.2024 | 15:12
Դոնալդ Թրամփն ընտրվեց ԱՄՆ 47-րդ նախագահ, գրում է VOA-ն։ Նշվում է, որ Վիսկոնսինում հաղթանակով Թրամփը ստացել է նախագահ դառնալու համար անհրաժեշտ ընտրիչների 277 ձայները։ Նրա հաղթանակն արդեն հաստատել են բոլոր խոշոր լրատվամիջոցներն ու հետազոտական գործակալությունները, այդ թվում՝ Associated Press-ը, CNN-ը, Reuters-ը և Edison Research-ը:
«Ամերիկան մեզ աննախադեպ և հզոր մանդատ է տվել»,- վաղ առավոտյան ասել է Թրամփը Ֆլորիդայի Փալմ Բիչ շրջանում դիմելով երկրպագուների ոգևորված ամբոխին:
VOA-ն նշում է, որ Թրամփի քաղաքական կարիերան, կարծես, ավարտված էր այն բանից հետո, երբ 2021 թվականի հունվարի 6-ին ընտրությունների կեղծման մասին նրա պնդումները հանգեցրին Կապիտոլիում նրա կողմնակիցների ներխուժման՝ փորձելով տապալել 2020 թվականին կրած պարտությունը:
Սակայն, ըստ լրատվականի, Թրամփը հաղթեց իր դեմոկրատ մրցակից Քամալա Հարիսին՝ օգտվելով բարձր գների և անօրինական ներգաղթի պատճառով աճող հանցագործությունների վերաբերյալ ընտրողների մտահոգություններից:
ԱՄՆ-ում ընտրիչների քվեարկության օրը սահմանվում է օրենքով, համաձայն ԱՄՆ Կոնգրեսի որոշման։ Ըստ օրենքի՝ ընտրիչների հավաքն անցկացվում է նախագահական ընտրություններից հետո դեկտեմբերի երկրորդ երկուշաբթիից հետո առաջին չորեքշաբթի օրը։ Այս սկզբունքի համաձայն՝ 2024 թվականին դեկտեմբերի երկրորդ երկուշաբթին դեկտեմբերի 9-ն է, իսկ դրան հաջորդող առաջին չորեքշաբթին՝ դեկտեմբերի 11-ը։ Այս օրն է, որ յուրաքանչյուր նահանգի ընտրիչները հավաքվում են իրենց նահանգների մայրաքաղաքներում և պաշտոնապես քվեարկում նոր նախագահին և փոխնախագահին ընտրելու համար։
Թարգմանությունը՝ Տաթև Ֆռանգյանի
