08.10.2026 | 12:30
Ուկրաինական ԱԹՍ-ները հարվածել են Ռյազանում «Յանդեքս»-ի տվյալների կենտրոնին և Բաշկորտոստանում նավթավերամշակման գործարանին
Մահացել է «Գրեմմիի» 28-ակի մրցանակակիր Քուինսի Ջոնսը
Քաղաքականություն
04.11.2024 | 15:45
91 տարեկանում մահացել է ամերիկացի կոմպոզիտոր և պրոդյուսեր Քուինսի Ջոնսը։ Այս մասին հայտնում է The Guardian-ը՝ հղում կատարելով երաժշտի ընտանիքի հայտարարությանը։
«Չնայած մեր ընտանիքի համար անհավատալի կորստին՝ մենք տոնում ենք նրա ապրած հիանալի կյանքը և գիտենք, որ նրա նման մեկ ուրիշը երբեք չի լինի»,- ասել են Ջոնսի սիրելիները:
Երաժիշտը մահացել է նոյեմբերի 3-ի երեկոյան Լոս Անջելեսի իր տանը։
Ջոնսը 1958 թվականին սկսել է համագործակցել Ֆրենկ Սինատրայի հետ։ Նրանք միասին աշխատել են մինչև 1984 թվականը, երբ թողարկվել է Սինատրայի վերջին ստուդիական ալբոմը՝ LA is my lady-ն:
1970-ականների վերջին Ջոնսը սկսել է համագործակցել Մայքլ Ջեքսոնի հետ։ Նա եղել է Off the Wall, ինչպես նաև Thriller և Bad ալբոմների պրոդյուսերը, որոնք Ջեքսոնին համաշխարհային ճանաչում բերեցին։
Իր երաժշտական կարիերայի ընթացքում Քուինսի Ջոնսը 80 անգամ առաջադրվել է «Գրեմմի»-ի և 28 անգամ արժանացել այդ մրցանակին։ Նա նաև ստեղծել է սաունդթրեքեր ավելի քան 50 ֆիլմերի և հեռուստաշոուների համար:
Թարգմանությունը՝ Տաթև Ֆռանգյանի
