05.08.2026 | 19:00
Ծովագյուղում ապօրինի պահվող գայլերը տեղափոխվել են Երևանի կենդանաբանական այգի․ քաղաքացին տուգանվել է
Հաջորդ տարվանից մանկապարտեզներում կգործեն սննդակարգի նոր չափորոշիչներ․ Անահիտ Ավանեսյան
01.11.2024 | 15:42
2025-ի հունվարին 1-ից մանկապարտեզներում կգործեն սննդակարգի նոր չափորոշիչներ, այս մասին հայտնել է ՀՀ առողջապահության նախարար Անահիտ Ավանեսյանն ԱԺ մշտական հանձնաժողովների համատեղ նիստում 2025 թվականի պետական բյուջեի մասին օրենքի նախագծի նախնական քննարկմանը՝ ի պատասխան ՔՊ-ական պատգամավոր Սոնա Ղազարյանի հարցին։
Պատգամավորը քննարկման ժամանակ անդրադարձել էր երեխաներին տրվող անառողջ սննդի հետ կապված հարցերին։
«Այս տարի փոփոխություն ենք իրականացրել մանկապարտեզների սննդակարգի չափորոշիչների մեջ: 2025-ի հունվարին այս նոր չափորոշիչները կսկսեն գործել:
Մեծ քանակությամբ շաքար պարունակող սննդամթերքը դուրս է եկել, փոփոխվել են հյութերի տեսակները, շաքարի պարունակության առավել քանակները: Փոփոխություն է արվել նաև հացամթերքի մեջ, առավելությունը տրվելու է ամբողջահատիկ ցորենից պատրաստված հացաբուլկեղենին»,- մանրամասնել է Ավանեսյանը:
