24.02.2026 | 15:01
«Մարտի 1»-ի գործով հնարավոր է նոր մեղադրյալներ լինեն // Ձերբակալվել է 143 մանկապարտեզի տնօրենը․ ԼՈՒՐԵՐ
Երևանի մետրոպոլիտենը հայտարարություն է տարածել կուտակումների առնչությամբ
Հասարակություն
01.11.2024 | 12:37
Այսօր սոցցանցերում տեսանյութեր են տարածվել, որոնցում արձանագրված է, թե ինչպես են վաղ առավոտյան մետրոյի կայարաններում ուղևորների խոշոր կուտակումներ առաջացել։
Երևանի մետրոպոլիտենի լրատվական ծառայությունը հայտարարություն է տարածել, որում ասվում է․ «Հաշվի առնելով ստեղծված իրավիճակն ու մարդկանց աննախադեպ հոսքը՝ մետրոյի ղեկավարությունը համապատասխան վերլուծություններ է կատարում՝ պարզելու ծանրաբեռնվածության պատճառներն ու գտնելու արդյունավետ լուծումներ՝ քաղաքացիներին պատճառված անհարմարությունները հնարավորինս արագ վերացնելու նպատակով։
Պատճառված անհարմարությունների համար հայցում ենք մեր քաղաքացիների ու մայրաքաղաքի հյուրերի ներողամտությունն ու շնորհակալ ենք Ձեր համբերության, ըմբռնման համար»:
