Զորամասեր կան, որ զինծառայողների համալրումը հրատապ բնույթ է կրում, կադրային խնդիրներ կան․ Խաչատրյան․ ՏԵՍԱՆՅՈՒԹ

ՀՀ ԱԺ արտահերթ նիստում քննարկվում է ՔՊ-ական պատգամավորներ Արմեն Խաչատրյանի և Անդրանիկ Քոչարյանի հեղինակած «Զինվորական ծառայության և զինծառայողների կարգավիճակի մասին» օրենքում և կից օրենքներում լրացումներ և փոփոխություններ կատարելու մասին օրինագծերի փաթեթը։

Քննարկման ընթացքում ՔՊ-ական պատգամավոր Զարուհի Բաթոյանը հարցրեց, թե ինչո՞վ է պայմանավորված այն, որ զորամասերի ցանկը պետք է սահմանի ՊՆ-ն, արդյո՞ք բոլոր զորամասերում դրա անհրաժեշտությունը չկա։

Նախագծի համահեղինակ Արմեն Խաչատրյանը պատասխանեց, որ ՀՀ ԶՈՒ-ում կադրային ռեսուրսների համալրման պրոցեսներում բավականին խնդիրներ կան և այդ խնդիրները հերթով լուծելով առաջ են գնում։

Նշենք, որ նախագծով առաջարկվում է, որպեսզի զինված ուժերում մարտական խնդիր կատարող զորամասերը զինվորական ծառայության ուղի և համապատասխան մասնագիտական ունակություններ ունեցող, սակայն զինվորական ծառայությունից զորացրված և երկարամյա ծառայության համար զինվորական կենսաթոշակ ստացող անձանցով համալրելու գրավչությունը ապահովելու համար նշյալ զորամասերում պայմանագրային ծառայության անցնելու դեպքում չդադարեցնեն զինվորական թոշակի իրավունքը։ Այսինքն, զինվորականը, որ արդեն թոշակի է անցել, կամ նախատեսում է անցնել՝ ծառայությունը շարունակելու դեպքում, կստանա և զինվորական կենսաթոշակը, և աշխատավարձ։ Զորամասերի ցանկը և պայմանները սահմանում է Պաշտպանությանն նախարարությունը։

Մանրամասները՝ տեսանյութում։