20.04.2026 | 13:18
Ռոբերտ Հովհաննիսյանը և Հայկ Մարտիրոսյանն աշխարհի գավաթի ուղեգիր են նվաճել ԵԱ-ում
Հանրային ռադիոյի տնօրենը`«Բաքու» գրությամբ ժամացույցը խմբագրությունում փակցնելու մասին․ ՏԵՍԱՆՅՈՒԹ
Տեսանյութեր
29.10.2024 | 14:38
«Ես ընդամենը կախել եմ մեխանիզմ, որը ցույց է տալիս որոշակի քաղաքի ժամ»,- խորհրդարանում լրագրողների հետ զրույցում ասաց Հանրային ռադիոյի տնօրեն Արմեն Քոլոյանը՝ անդրադառնալով Ադրբեջանի ու Թուրքիայի ժամանակը ցույց տվող ժամացույցները ռադիոտան պատից կախելու իր որոշմանը։
Դիտարկմանը, թե որոշակի երկրներ չեն, այլ թշնամական երկրներ են՝ Քոլոյանն արձագանքեց. «Դա ձեր մեկնաբանությունն է։ Ես որևէ քաղաքական մեկնաբանություն չեմ անում, ես հանրային հիմնարկի ղեկավար եմ և ունեմ անձնական կարծիք՝ որն է թշնամի երկիր, և որը՝ ոչ, բայց ներկայացնելու մտադրություն չունեմ»։
Հարցին, դա արդյո՞ք պաշտոնական Բաքվին սիրաշահելու փորձ էր՝ Քոլոյանը պատասխանեց. «Ինձ ամենաքիչը հետաքրքրում է՝ պաշտոնական Բաքվում ինչ են մտածել»։
Իսկ հաշվի չի՞ առել, որ այնտեղ աշխատողներ կան, որոնց երեխաները զոհվել են Ադրբեջանի ագրեսիայի հետևանքով՝ Արմեն Քոլոյանը պատասխանեց. «Ենթադրել եմ, որ դա պետք է ընկալվի մեխանիկական գործիք, որը ցույց է տալիս ժամ, ընդամենը դա, հոգեբանական ճնշումը չեմ ենթադրել, որ կարող է լինի։ Հետագայում, կոլեկտիվում խոսելով՝ որոշել ենք հանել»։
Մանրամասները՝ տեսանյութում։
