24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վրաստանում խուզարկել են ամերիկյան հետազոտական ինստիտուտի աշխատակիցների տները
Քաղաքականություն
24.10.2024 | 18:47
Վրացական ֆինանսական ոստիկանությունը խուզարկել է Atlantic Council ամերիկյան հետազոտական կենտրոնի աշխատակիցներ Սոփո Գելավայի և Էտա Բուզիաշվիլիի տները՝ խմբակային փողերի լվացման և խմբակային խարդախության հոդվածներով իրականացված հետաքննության շրջանակում։ Այս մասին հայտնում է «Էխո Կավկազան»։
«Բոլոր սարքերը խլել են մեր ընտանիքից։ Երեխայի նոութբուքն ու իմը»,- սոցցանցում գրել է Գելավայի ամուսինը՝ «Ֆեդերալիստների» կուսակցության առաջնորդներից Գեորգի Նոնիաշվիլին։
Սոֆո Գելավայի և Էտո Բուզիաշվիլիի, Շոթա Թութբերիձեի և Աննա Գախոկիձեի փաստաբաններն «Ազատություն» ռադիոկայանի վրացական ծառայությանը հայտնել են, որ իրենց պաշտպանյալների տներում խուզարկություններն իրականացվել են նույն հետաքննության շրջանակում։
Հարուցվել է քրեական գործ երեք հոդվածներով՝ փողերի լվացում, խարդախություն, հարկերից խուսափելը։
Թե ով է այս գործով մեղադրյալը, դեռևս հայտնի չէ։
Atlantic Council-ը ամերիկյան հետազոտական ինստիտուտ է, որը հիմնադրվել է 1961 թվականին։ Սոփո Գելավան թվային դատաբժշկական գիտահետազոտական լաբորատորիայի (DFR Lab) հետազոտող է:
Թարգմանությունը՝ Տաթև Ֆռանգյանի
