30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Սուրբ Աստվածամայր» ԲԿ-ում մահացած 10 ամսական երեխան առողջական լուրջ խնդիրներ է ունեցել
Հասարակություն
24.10.2024 | 12:59
Մի քանի օր առաջ «Սուրբ Աստվածամայր» բժշկական կենտրոնում 10 ամսական երեխա է մահացել։ Բժշկական կենտրոնի վերակենդանացման բաժանմունքի ղեկավար Լևոն Սիմոնյանը Factor.am-ին հայտնեց, որ երեխան դեռ նորածին ժամանակվանից բուժվել է «Սուրբ Աստվածամայր» ԲԿ-ում և առողջական լուրջ խնդիրներ է ունեցել։
«Երեխան տասը ամսվա ընթացքում ավելի շատ եղել է հիվանդանոցում՝ պայմանավորված իր բազմաթիվ առողջական խնդիրներով։ Տարել է մի շարք նեյրովիրաբուժական վիրահատություններ կյանքի տարբեր էտապներում։ Վերջին ընդունումը եղել է ամսի 18-ին ու 19-ին երեխան մահացել է»,- ասաց Սիմոնյանը։
ԲԿ-ի վերակենդանացման բաժանմունքի ղեկավարի խոսքով՝ ախտորոշման հետ կապված իմֆորացիա այս պահին տալ չեն կարող․ երեխայի մարմինն ուղարկվել է դատաբժշկական փորձաքննության։
Անի Թամրազյան
