14.01.2026 | 17:26
Վարչապետը հրաժեշտի հանդիպում է ունեցել ԵՄ քաղաքացիական դիտորդական առաքելության ղեկավարի հետ
Պուտինն ու Էրդողանը հանդիպել են Կազանում
Քաղաքականություն
23.10.2024 | 20:50
Թուրքիայի նախագահ Ռեջեփ Թայիփ Էրդողանը ԲՐԻԿՍ-ի գագաթնաժողովի շրջանակում հանդիպել է ՌԴ նախագահ Վլադիմիր Պուտինի հետ, հաղորդում է TRT Haber-ը։
«Շնորհակալություն ԲՐԻԿՍ-ի գագաթնաժողովին մասնակցության հրավերի համար: Ես ուրախ եմ ձեզ հանդիպել Աստանայում մեր հանդիպումից հետո»,- նշել է Թուրքիայի նախագահը։
Պուտինն իր հերթին ցավակցություն է հայտնել Էրդողանին Թուրքիայում տեղի ունեցած ահաբեկչության կապակցությամբ։
«Մեզ համար կարևոր է, որ դԴուք այստեղ եք: Ռուս-թուրքական հարաբերություններն ունեն բարիդրացիության բնույթ, մեր հարաբերությունները զարգացել են տարիների ընթացքում՝ հիմնվելով մեր փորձի վրա: Ընդգծում եմ, որ մեր ապրանքաշրջանառության ծավալներն աճում են։ Ինչպես տեսնում եք՝ Թուրքիան կարևոր գործընկեր է, ունենք ռազմավարական հարաբերություններ։ Թուրքիայում միջազգային գազային ցանց ստեղծելու ուղղությամբ մեր ձեռնարկած քայլերը սկսել են իրենց պտուղները տալ։ «Աքքույու» ԱԷԿ-ը մեզ համար կարևոր նախագիծ է, մենք աշխատում ենք դրա ուղղությամբ»,- հավելել է Պուտինը։
Թարգմանությունը՝ Էմմա Չոբանյանի
