11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ադրբեջանցի Ֆամիլ Սադիգովը կարող է գլխավորել «Գազպրոմը»
Քաղաքականություն
22.10.2024 | 19:41
Ռուսական հատուկ ծառայություններին մոտ տելեգրամյան ալիքները հայտնում են, որ ռուսական «Գազպրոմի» ղեկավարությունում «զգալի» կադրային փոփոխություններ են սկսվել։ Նշվում է, որ ընկերության 62-ամյա ղեկավար Ալեքսեյ Միլլերն առողջական պատճառներով շուտով չի կարողանա ղեկավարել ռուսական պետական կորպորացիան, և կանխատեսվում է, որ նրա տեղակալ, ազգությամբ ադրբեջանցի Ֆամիլ Սադիգովը, որը փաստացի «Գազպրոմ»-ի գլխավոր ֆինանսիստն է, գրում են ադրբեջանական լրատվամիջոցները։
Հաղորդվում է նաև, որ Սերգեյ Իվանինը լքում է «Գազպրոմ գազնեֆտեպրոդուկտ հոլդինգի» ղեկավարի պաշտոնը։ Սա մայր ընկերության հզոր դուստր ընկերությունն է, որը տարեկան շուրջ երկու միլիարդ շահույթ է բերել։ Իվանինից հետո, ըստ տեղեկությունների, հերթը կհասնի Ելենա Սեկարինային, որը ղեկավարում է «Գազպրոմ Ասեթ Մենեջմենթ KSN»-ը և «Գազպրոմ Ինվեստ»-ն։
Նշվում է, որ այս ամենը «Գազպրոմ»-ի վարչության նախկին անդամ Ելենա Միխայլովայի հրաժարականի հետևանքն է, որը տնօրինում էր պետական կորպորացիայի ամբողջ ունեցվածքը և համարվում էր ընկերության ղեկավարից հետո երկրորդ դեմքը։
Ըստ «Գազպրոմի» պաշտոնական կայքի՝ Ֆամիլ Սադիգովն ընկերության կառավարման խորհրդի նախագահի տեղակալն է։ Նա կառավարման խորհրդի անդամ է 2019 թվականից, վերահսկում է ֆինանսատնտեսական գործունեության հարցերը։
Սադիգովը ծնվել է 1968 թվականին Նախիջևանում։
Թարգմանությունը՝ Էմմա Չոբանյանի
