05.09.2026 | 18:31
«Հեծանվային մեծ սպորտը գալիս է Հայաստան». ներկայացվել է «Tour of Armenia»-ի խորհրդանիշը
Նիկոլ Փաշինյանն «իր հակասական հայտարարություններով» ձգտում է տապալել ԼՂ հակամարտության կարգավորման բանակցային գործընթացը
Քաղաքականություն
12.09.2018 | 17:10
Ադրբեջանի նախագահ Իլհամ Ալիևը կարծում է, որ Հայաստանի վարչապետ Նիկոլ Փաշինյանն «իր հակասական հայտարարություններով» ձգտում է տապալել Լեռնային Ղարաբաղի հակամարտության կարգավորման բանակցային գործընթացը, գրում է interfax.az-ը: Այդ մասին Ալիևը հայտարարել է Բաքվում ԵԱՀԿ գլխավոր քարտուղար Թոմաս Գրեմինգերի հետ հանդիպմանը. փոխանցում է երկրի ղեկավարի պաշտոնական կայքը:
«Հայաստանի նոր վարչապետ Նիկոլ Փաշինյանն առաջին օրերից հանդես է եկել հակամարտության կարգավորման հարցով հակասական հայտարարություններով, և այդ հայտարարություններն առնվազն զարմանք են առաջացնում և այդ դեպքում ամբողջ պատասխանատվությունն ընկնում է հայկական կողմի և անձամբ Փաշինյանի վրա: Լեռնային Ղարաբաղի հետ բանակցություններ անցկացնելու Հայաստանի վարչապետի հնչեցրած թեզն անընդունելի է»,- ասել է նա:
Հիշեցնենք, որ ՀՀ վարչապետ Նիկոլ Փաշինյանը հայտարարել է, որ Արցախը պետք է բանակցային գործընթացի մաս կազմի։
