16.07.2026 | 17:02
Ուկրաինայի հեռացող ՊՆ ղեկավարը խոստովանել է ԶՈւ գլխավոր հրամանատարի հետ կոնֆլիկտի առկայությունը
Արայիկ Պապիկյանին դատավորը չթույլատրեց տուժողի իրավահաջորդի շահերի պաշտպանությամբ զբաղվել
Հասարակություն
12.09.2018 | 14:25
ՊՊԾ գնդի գրավման օրերին սպանված ոստիկան Յուրի Տեփանոսյանի հայրն այսօրվա դատական նիստում հայտարարեց, որ ցանկանում է, որպեսզի իր շահերը դատարանում ներկայացնի Արայիկ Խանդոյանի և Վարուժան Ավետիսյանի պաշտպան Արայիկ Պապիկյանը։
Ի դեպ, Ավետիսյանն ու Խանդոյանը հայտարարեցին, որ հրաժարվում են Պապիկյանի ծառայություններից: Վարուժան Ավետիսյանի խոսքով` իրենց համար տուժողի շահերն ավելի գերակա են։ Արայիկ Պապիկյանը ևս հայտարարեց, որ ցանկանում է ներկայացնել տուժողի իրավահաջորդի շահերը։ Մինչդեռ դատավոր Մեսրոպ Մակյանն ասաց, որ Պապիկյանը չի կարող հանդես գալ տուժողի իրավահաջորդի շահերի պաշտպանությամբ, քանի որ կա շահերի բախում:
Այսպիսով Արայիկ Պապիկյանը գործի վարույթից հեռացվեց:
