09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
Լիբանանում Իսրայելի հարվածների հետևանքով 1974 մարդ է զոհվել
Քաղաքականություն
03.10.2024 | 20:14
Լիբանանում Իսրայելի հետ հակամարտության սրացումից հետո իսրայելական հարվածների հետևանքով զոհվել է 1974 մարդ։ Այս մասին հայտնում են տեղական լրատվամիջոցները՝ վկայակոչելով Լիբանանի առողջապահության նախարար Ֆիրաս Աբդյադին, փոխանցում է ՌԻԱ Նովոստին։
«Լիբանանի դեմ իսրայելական ագրեսիայի զոհերի ընդհանուր թիվը կազմել է 1974, 9384 վիրավոր կա, այդ թվում՝ 127 երեխա, 261 կին և 97 բժշկական ու շտապ օգնության խմբերի անդամներ»,- ասել է նա։
Աբդյադը նաև հավելել է, որ Իսրայելի պաշտպանության բանակի հարվածներից վնասվել են տասնյակ բժշկական կենտրոններ։
Իրավիճակը Լիբանանի և Իսրայելի սահմանին շարունակում է լարված մնալ անցյալ տարվա հոկտեմբերին Գազայի հատվածում ռազմական գործողություններ սկսվելուց հետո։ Այն ժամանակ «Հըզբոլլահ»-ը սկսեց հրետակոծել հրեական պետության հյուսիսը՝ աջակցելով պաղեստինյան ՀԱՄԱՍ շարժմանը։
Թարգմանությունը՝ Տաթև Ֆռանգյանի
