22.11.2024 | 12:57
Կուրսկի շրջանում ուկրաինական հարվածի հետևանքով ԿԺԴՀ բանակի գեներալ է վիրավորվել.WSJ
Իշխանություններին կոչ եմ անում ստորագրահավաքը չկապել արտաքին քաղաքական գործընթացների հետ․ Խուրշուդյան․ ՏԵՍԱՆՅՈՒԹ
Քաղաքականություն
02.10.2024 | 13:22
«Իշխանությունների այս կրավորական մոտեցումը՝ երբ հստակ «չէ» չի ասվում, մի կողմից լավ է։ Մենք հասկանում ենք, որ նրանք պահպանում են այդ հնարավորությունը, որ անհրաժեշտության դեպքում նաև այս օրինագիծն ընդունեն ԱԺ-ում։ Մեր տպավորությամբ՝ հիմա իշխանությունները սպասում են ինչ-որ իրադարձությունների, խոսքը Վրաստանում, ԱՄՆ-ում ընտրությունների արդյունքների մասին է »,- այս մասին Եվրաքվեի ստորագրահավաքի առաջին 15 օրերի արդյունքների ամփոփմանը նվիրված մամուլի ասուլիսի ժամանակ ասաց Եվրաքվեի ստորագրահավաքի շտաբի մամուլի հետ կապերի պատասխանատու Հովսեփ Խուրշուդյանը՝ պատասխանելով հարցին, թե ինչ սպասելիքներ ունեն ՔՊ-ից, երբ ԵՄ-ի հանրաքվեի ստորագրահավաքի վերաբերյալ իշխող ուժում դիրքորոշումները տարբեր են։
Հովսեփ Խուրշուդյանն իշխանություններին կոչ արեց ստորագրահավաքը չկապել արտաքին քաղաքական գործընթացների հետ։
Հիշեցնենք, որ ՔՊ խմբակցության քարտուղար Արթուր Հովհաննիսյանի կարծիքով՝ պետք է մի քիչ զուսպ լինել ԵՄ-ի հետ ակնկալիքների առումով։
«Պատմականորեն ԵՄ-ին անդամակցելու գործընթացում հանրաքվեն ամենավերջին քայլն է, ոչ թե առաջին, որովհետև հնարավոր է հանրաքվե անես և հետո պարզվի, որ Եվրամիությունում քեզ ոչ-ոք չի սպասում»,- ասել էր նա։
Մանրամասները՝ տեսանյութում։
