23.06.2026 | 16:06
Ուրսուլա ֆոն դեր Լեյենը հուլիսի 1-ին Հայաստան կայցելի. Politico
Ֆրանսիացի զինվորականներն Իսրայելին օգնել են հետ մղել Իրանի հարձակումը
Քաղաքականություն
02.10.2024 | 15:24
Ֆրանսիական զորքերը հոկտեմբերի 1-ի լույս 2-ի գիշերը մասնակցել են Իսրայելի վրա Իրանի հրթիռային հարձակումը հետ մղելուն, հայտարարել է Ելիսեյան պալատը։ Միաժամանակ, Ֆրանսիայի նախագահ Էմանուել Մակրոնը հայտարարել է, որ Փարիզը ցանկանում է «գործել ի շահ Լիբանանի» և մոտ ապագայում կազմակերպել համաժողով՝ ի պաշտպանություն Լիբանանի ժողովրդի։
«Հավատարիմ լինելով Իսրայելի անվտանգությանը՝ Ֆրանսիան մոբիլիզացրել է իր ռազմական ռեսուրսները Մերձավոր Արևելքում՝ Իրանի սպառնալիքին դիմակայելու համար»,- հայտարարել են Ֆրանսիայի նախագահի գրասենյակից։
Մակրոնը կոչ է արել լիբանանյան «Հըզբոլլահ» շարժմանը՝ «դադարեցնել ահաբեկչական գործողությունները» Իսրայելի և նրա քաղաքացիների դեմ։ Միաժամանակ, նա Իսրայելից պահանջել է որքան հնարավոր է շուտ դադարեցնել ռազմական գործողությունը։ Ֆրանսիայի ղեկավարը նաև հույս է հայտնել, որ Լիբանանի ինքնիշխանությունն ու տարածքային ամբողջականությունը կվերականգնվի՝ համաձայն ՄԱԿ-ի Անվտանգության խորհրդի 1701 բանաձևի։
Հիշեցնենք՝ սեպտեմբերի 23-ին Իսրայելը, «Հըզբոլլահ»-ի հետ հարաբերությունների վատթարացման ֆոնին, հայտարարեց Լիբանանի տարածքում «Հյուսիսի նետեր» կոչվող հարձակողական գործողության մեկնարկի մասին։
Թարգմանությունը՝ Տաթև Ֆռանգյանի
