30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռուսական ուժերը Կրիվոյ Ռոգում հարվածել են ոստիկանության շենքին. կա զոհ
Քաղաքականություն
27.09.2024 | 19:22
Ուրբաթ օրը՝ սեպտեմբերի 27-ին, ռուսական զորքերը հրթիռային հարված են հասցրել Դնեպրոպետրովսկի մարզի Կրիվոյ Ռոգ քաղաքի շրջանային ոստիկանության շտաբի վրա։ Այս մասին հայտնել են Ուկրաինայի տեղական իշխանություններն ու իրավապահ մարմինները։ ՌԴ հարվածի հետևանքով զոհվել է մեկ մարդ, վիրավորվել հինգը, որոնցից երկուսը հոսպիտալացվել են, փոխանցում է DW-ի ռուսական ծառայությունը։
Մահացած կնոջը գտել են շենքի փլատակներում, հայտնել է Դնեպրոպետրովսկի շրջանային ռազմական վարչակազմի ղեկավար Սերգեյ Լիսակը։ Որոնողափրկարարական աշխատանքները շարունակվում են։
«Կրիվոյ Ռոգում, բացի վարչական շենքից, վնասվել է 23 առանձնատուն, 3 ինը հարկանի շենք և ուսումնական հաստատություն»,- գրել է Լիսակը։
Դեպքի վայրում աշխատում են արտակարգ իրավիճակների ծառայությունները՝ «արձանագրելով Ռուսաստանի Դաշնության հերթական ռազմական հանցագործությունը», հայտնում է Դնեպրոպետրովսկի շրջանային դատախազությունը։ Պատերազմի օրենքներն ու սովորույթները խախտելու փաստով նախաքննություն է սկսվել։
Թարգմանությունը՝ Տաթև Ֆռանգյանի
