07.10.2026 | 20:30
Արտահանձնո՞ւմ,թե՞ գերիների հետ փոխանակում․Փաշինյանի վարկածը՝ Մուսաևի ներթափանցման ու ճակատագրի շուրջ. ՏԵՍԱՆՅՈՒԹ
Ադրբեջանն ու Իսրայելը ռազմական ոլորտում փոխըմբռնման ռազմավարական հուշագիր են ստորագրել
Քաղաքականություն
26.09.2024 | 21:41
Իսրայելի և Ադրբեջանի միջև համագործակցությունը շարունակում է զարգանալ նաև պաշտպանական արդյունաբերության ոլորտում։ Այս մասին X-ի իր միկրոբլոգում գրել է Բաքվում Իսրայելի դեսպան Ջորջ Դիքը։
«AS Holdings-ը և նրա դուստր ձեռնարկություն Ari Arms միջազգային ընկերությունը, որը մասնագիտանում է ՆԱՏՕ-ի ստանդարտների թեթև սպառազինությունների արտադրության և զարգացման մեջ, այսօր ստորագրել են փոխըմբռնման ռազմավարական հուշագիր (MOU) Ադրբեջանի պաշտպանական արդյունաբերության նախարարությանը կից պետական սեփականություն հանդիսացող Azersilah ընկերության հետ»,- նշել է Դիքը։
Նա հավելել է, որ այս անգնահատելի գործընկերությունը մերձեցնում է երկրներին՝ խթանելով համատեղ զարգացումը և համատեղ ջանքերը՝ ուղղված անկախության և ազգային անվտանգության բարձրացմանը։
Ստորագրման արարողությանը մասնակցել են տարբեր գերատեսչությունների ներկայացուցիչներ, պաշտոնատար անձինք:
Թարգմանությունը՝ Էմմա Չոբանյանի
