08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Սահմանադրության՝ կայուն մեծամասնության հոդվածից հրաժարվելու հարցը մերժվեց․ ՏԵՍԱՆՅՈՒԹ
Քաղաքականություն
19.09.2024 | 18:03
Սեպտեմբերի 19-ին տեղի ունեցավ Սահմանադրական բարեփոխումների խորհրդի հերթական նիստը: Խորհուրդը շարունակել է քննարկել Դանիել Իոաննիսյանի ներկայացրած կայուն խորհրդարանական մեծամասնության սկզբունքից հրաժարվելու հարցը:
«Այո՛, Հայաստանը շատ խրթին վիճակում է, բայց Հայաստանին պետք է ոչ թե շատ մանդատներով իշխանություն, այլ լեգիտիմ իշխանություն: Եթե եղավ իշխանություն, որն ունի ընտրողների ձայների 30-35 տոկոս քվեն, դա կհանգեցնի խորհրդարանի լեգիտիմության անկմանը ու քաղաքական ճգնաժամի, իսկ դա կարող ենք չմարսել`ի տարբերություն կառավարման ճգնաժամի: Մայր օրենքի 202 հոդվածը շատ հստակ սահմանում է, որ հենց այս նորմը կարող է փոխվել խորհրդարանի կողմից»,- նշեց Իոաննիսյանը:
Արդարադատության նախարար Գրիգոր Մինասյանն ընդգծեց, որ ցանկություն կա կայուն քաղաքական մեծամասնության կարգավորումից հրաժարվելու, սակայն դա պետք է անել ամբողջ Սահմանադրությունն «ախտորոշելուց» հետո:
Սահմանադրական բարեփոխումների խորհուրդը ձայների մեծամասնությամբ մերժեց Դանիել Իոաննիսյանի կողմից ներկայացված հայեցակարգային առաջարկության եղանակով փոփոխության իրականացման առաջարկը:
Խորհրդի մեծամասնությունը դեմ քվեարկեց նաև կայուն խորհրդարանական մեծամասնության սկզբունքից հրաժարվելու հարցի առանձնացմանը ամբողջ ռեֆորմից 2026 թ. ԱԺ ընտրություններին ընդառաջ և ԱԺ միջոցով համապատասխան փոփոխություն կատարելու առաջարկին:
