22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Ժամանակը չի խանգարի Իրանին վրեժ լուծել ՀԱՄԱՍ-ի առաջնորդի սպանության համար․ Իրանի ԶՈՒ ԳՇ
Քաղաքականություն
19.09.2024 | 22:50
Ժամանակը չի խանգարի Իրանին «վրեժխնդիր լինել ԱՄՆ-ից և Իսրայելից ՀԱՄԱՍ-ի քաղբյուրոյի ղեկավար Իսմայիլ Հանիեի սպանության համար»Լ Այս մասին հայտարարել է Իրանի Զինված ուժերի գլխավոր շտաբը։
«Այնպես, ինչպես մենք կատարեցինք մեր «Ճշմարիտ խոստումը», այդպես էլ ժամանակը չի խանգարի Իրանի Իսլամական Հանրապետության մտադրություններին՝ վրեժ լուծել Իսմայիլ Հանիեի սպանության արդյունքում թափված արյան համար»,-Իրանի գլխավոր շտաբի հայտարարությունն է մեջբերում Tasnim-ը։
Հուլիսի վերջին պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեն սպանվեց Թեհրանում գտնվող իր նստավայրի վրա հարձակման հետևանքով, ուր նա ժամանել էր Իրանի նոր նախագահի երդմնակալությանը մասնակցելու։
ՀԱՄԱՍ-ը Հանիեի մահվան մեջ մեղադրել է Իսրայելին և ԱՄՆ-ին ու խոստացել, որ հարձակումն անպատասխան չի մնա։
Իսրայելը հրաժարվել է մեկնաբանել Հանիեի սպանությունը։
Թարգմանությունը՝ Տաթև Ֆռանգյանի
