15.07.2026 | 12:45
ԵՄ-ն պետք է աջակցի Ռուբեն Վարդանյանի կնոջ՝ Բաքու մեկնելու նախաձեռնությունը․ Ջոել Վելդկամպ
ՌԴ-ի հետ ռազմատեխնիկական համագործակցությունը 96 տոկոսից իջել է 10 տոկոսից էլ ցածր. ԱԽ քարտուղար․ ՏԵՍԱՆՅՈՒԹ
Քաղաքականություն
18.09.2024 | 16:17
Մեր հաջողություններից մեկը, որ հաճախ ենք նշում` ռազմատեխնիկական համագործակցությունն է, այս մասին Համաշխարհային հայկական 2-րդ գագաթնաժողովի պանելային քննարկմանը հայտարարեց Անվտանգության խորհրդի քարտուղար Արմեն Գրիգորյանը:
Նրա խոսքով, եթե նախկինում ՌԴ-ի հետ մենք 96 տոկոսից ավելի ռազմատեխնիակական համագործակցություն ենք ունեցել, այսօր այդ թիվը 10 տոկոսից էլ ցածր է։ Ըստ ԱԽ քարտուղարի՝ սա վերջին 3-4 տարվա Հայաստանի քաղաքականության հաջողության արտահայտությունն է:
Արմեն Գրիգորյանը նաև հայտնեց, որ այսօր մենք ունենք մի քանի կարևոր գործընկերներ ռազմատեխնիկական համագործակցության ոլորտում, դրանք են՝ Հնդկաստանը, Ֆրանսիան։
«Փնտրում ենք նոր գործընկերներ, որ այդ ուղղությամբ տարվող աշխատանքներն ավելի արդյունավետ լինեն: Նաև նպատակ ունենք՝ ռազմատեխնիկական արտադրության մոտ 25-30 տոկոսը լինի Հայաստանի ներսում: Պետք է կարողանանք դա անել և ունենալ 4-5 գործընկեր, որոնց հետ ծավալը չի գերազանցի 20 տոկոսը»,- նշեց Գրիգորյանը:
Բացի այդ, ԱԽ քարտուղարը պանելային քննարկման ժամանակ տեղեկացրեց, որ վերջին 4 տարիներին ռազմարդյունաբերությանը տրվող գումարի ծավալը 100 անգամ ավելացել է։
Մանրամասները՝ տեսանյութում։
