16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Վրաստանի ՆԳՆ-ն Արսեն Խառատյանին պահում է Թբիլիսիի օդանավակայանում․ aliq.ge
Հասարակություն
17.09.2024 | 11:33
«Ալիք Մեդիա»-ի հիմնադիր Արսեն Խառատյանը սեպտեմբերի 17-ի լուսադեմից մինչ այժմ, առանց բացատրության, գտնվում է Թբիլիսիի միջազգային օդանավակայանում, ՆԳՆ ներկայացուցիչների վերահսկողության տակ։ Նրան թույլ չեն տալիս օգտվել հեռախոսային կապից․ գրում է aliq.ge-ն։
Առկա տեղեկությունների համաձայն՝ Արսեն Խառատյանը 5 ժամից ավելի օդանավակայանում է գտնվում։
Հատկանշական է, որ նման դեպք տեղի էր ունեցել գրեթե մեկ շաբաթ առաջ, երբ առանց նշելու պատճառը` Արսեն Խառատյանին օդանավակայանում Վրաստանի ներքին գործերի նախարարության (ՆԳՆ) սահմանային ոստիկանությունից հայտնել էին, որ արգելվում է նրա մուտքը Վրաստան, բայց 2 ժամ հետո թույլատրել էին։
Խառատյանի խոսքով, մոտ երկու ժամ անց իրեն թույլատրել են մնալ Վրաստանում։ ՆԳՆ սահմանային ոստիկանությունը միայն որոշումն է տվել, որտեղ նշված է. «Վրաստանի օրենսդրությամբ նախատեսված այլ դեպքեր»։ Ինչ դեպքերի մասին է խոսքը` Խառատյանին չեն պարզաբանել։
Խառատյանն «Ալիք Մեդիա Վրաստան»-ի հետ զրույցում նշել էր` չգիտի, թե ինչն է եղել Վրաստան իր մուտքն արգելելու փորձի պատճառը: Նախկինում, ըստ նրա, երբեք նման իրավիճակ չի եղել:
