30.10.2026 | 15:10
Կաթողիկոսի գործով նախկին դատավորի դեմ // «Օտարերկրյա գործակալ» «Նովայա գազետա»-ն փակվում է․ ԼՈՒՐԵՐ
Թուրքիայում արևածաղկի դաշտում մոտ 20 մետր խորությամբ փոս է գոյացել․ ԼՈՒՍԱՆԿԱՐՆԵՐ
Քաղաքականություն
13.09.2024 | 13:33
Թուրքական Էսքիշեհիր քաղաքի հարևանությամբ գտնվող գյուղատնտեսական հողատարածքում մոտ 20 մետր խորությամբ և 5 մետր տրամագծով փոս է գոյացել, գրում են թուրքական լրատվամիջոցները։ Էրքան Ջեյլանը՝ հողատարածքի տերը, լրագրողներին պատմել է, որ երբ եկել է իր հողատարածքում կաթիլային ոռոգման սարքավորումները հավաքելու, նկատել է, որ դրանց մի մասը բացակայում է։ Մտնելով դաշտ նա տեսել է փոսը և վախեցել։ Նա տեղեկացրել է համապատասխան մարմիններին, սկսվել է հետաքննություն։
«Եկել են Ջրային տնտեսության պետական վարչության ներկայացուցիչներ։ Արևածաղկի բերքահավաքի ժամանակն է, եթե չնկատեինք, կարող էր նույնիսկ կոմբայնը ընկնել»,- ասել է Ջեյլանը։
Գյուղատնտեսության և անտառային տնտեսության տեսուչ Էնդեր Մուհամմեդ Գյումուշը նշել է, որ սա Էսքիշեհիրում հայտնի արդեն երրորդ նման դեպքն է։ Նա նշել է, որ ֆերմերներն ամեն տարի աճեցնում են շատ ջուր պահանջող մշակաբույսեր և դա է նման խնդրի պատճառ դառնում։
«Այսուհետ մենք վերահսկելու ենք մեծ քանակությամբ ջուր պահանջող մշակաբույսերի տնկումը։ Մենք ավելացրել ենք աջակցությունը, որպեսզի ֆերմերների եկամուտները չնվազեն: Երկրի 11 նահանգներում և 51 շրջաններում ջրի սահմանափակում կա: Այս ցանկում ներառված են նաև Էսքիշեհիրի 6 շրջանները։ Այն տարածքներում, որտեղ ստորերկրյա ջրերի օգտագործումը խնդիրներ է առաջացնում, կլինեն ջրի սահմանափակումներ և պլանավորված արտադրության աջակցություն: Դրա շնորհիվ մեր ֆերմերներն ավելի շատ կվաստակեն։ Ջուրն էլ ավելի արդյունավետ ենք օգտագործելու։ Այդպիսով՝ ավելի քիչ փոսեր կտեսնենք»։
Էմմա Չոբանյան
