19.09.2024 | 13:09
Իսրայելը Լիբանանի հետ սահմանին զորքեր է տեղակայում՝ այստեղ պայթյունների շարքի ֆոնին
Ամերիկացին, որը ՌԴ-ում հետախուզման մեջ լինելու պատճառով ՀՀ-ից 3 տարի չէր կարողանում հեռանալ, վերադարձել է ԱՄՆ
Քաղաքականություն
13.09.2024 | 13:53
ԱՄՆ քաղաքացի Էրիկ Թոմաս Քրիմերը վերադարձել է ԱՄՆ Օհայո նահանգ։ Նա երեք տարի ստիպված մնացել էր Հայաստանում, քանի որ Ռուսաստանը նրա նկատմամբ հետախուզում էր հայտարարել։ Այս մասին «Մեդիազոնա»-ին պատմել է Քրիմերը։
«Հոդվածից հետո մեկ-երկու օր անց ինձ զանգահարեցին հայկական հեռուստաընկերությունից, ես գնացի հարցազրույց տվեցի, որից հետո ինձ զանգահարեցին դեսպանատնից և ասացին, որ հարցը կլուծեն։ Ես գնացի, ինձ ասացին, որ կարևոր բանակցություններ են անցկացրել ու ասացին, որ ապաստան խնդրեմ Հայաստանից, ինձ կմերժեն, սակայն այդպես էլ չեն կարողանա Ռուսաստան ուղարկել»,-պատմել է Քրիմերը՝ նշելով, որ ապաստան տրամադրելու մերժումը նա ստացել է այս տարվա հուլիսին։ Օգոստոսին նրան զանգահարել է փաստաբանը և հայտնել, որ կարող է մեկնել։ Նա տոմս է գնել և նույնիսկ անցել է անձնագրային հսկողությունը, բայց ինքնաիռին մոտենալի նրան է մոտեցել սահմանապահը և խնդրել է իրեն տալ իր անձնագիրը:
«Ինձ տարավ հատուկ սենյակ, որտեղ ես եղել էի, երբ ինձ առաջին անգամ երեք տարի առաջ Հայաստանից դուրս չէին թողել։ Սկսեցին իմ անձնագիրը մեկ մյուսին փոխանցել, ես անգլերենով հարցրի, թե ինչն է սխալ։ Հետո ինչ-որ տղա հայտնվեց, հնարավոր է դեսպանատնից և հարցրեց՝ «Որևէ խնդիր կա՞»։ Նայեցի սահմանապահին և հարցրի՝ «Մենք խնդիր ունեն՞ք»։ Իսկ նա ասաց՝ «Եկեք նրան նստեցնենք ինքնաթիռ հենց հիմա»։ Եվ նրանք ասում են՝ եկեք»»,-նշել է Քրիմերը։
Քրիմերը բանասեր է Օհայոյից, 2015-2017 թվականներին անգլերեն է դասավանդել Մոսկվայի ֆիզիկատեխնիկական ինստիտուտի լեզվի կենտրոնում։ Նրա խոսքով՝ 2017 թվականի ապրիլին ուժայինները գիշերը բերման են ենթարկել Մոսկվայի կենտրոնում գտնվող փողոցում և թմրանյութեր են գցել գրպանը, սպառնացել ատրճանակով և պահանջել կես միլիոն ռուբլի։ Սակայն Քրիմերին բաց են թողել երկրից դուրս չգալու ստորագրությամբ։ Չնայած դրան՝ նրան հաջողվել է հեռանալ ՌԴ-ից, որից հետո նրա նկատմամբ հետախուզում է հայտարարվել։ 2021 թ-ին նա հանգստացել է Վրաստանում, որոշել մի քանի օրով այցելել Հայաստան։
Հայ սահմանապահները թույլ չեն տվել նրան լքել երկիրը, սակայն Ռուսաստանի դիմումով չeն ձերբակալել՝ ըստ նրա հայ փաստաբանի, քանի որ չեն ցանկացել բարդացնել հարաբերությունները ԱՄՆ-ի հետ։
