25.06.2026 | 17:36
Համբարձում Մաթևոսյանը Սենթ Ջեյմսի պալատում հանդիպել է Չարլզ III թագավորին
ԿԽՄԿ-ն հաստատել է, որ Դոնեցկի մարզում կազմակերպության երեք աշխատակից է սպանվել
Քաղաքականություն
12.09.2024 | 22:16
Կարմիր Խաչի միջազգային կոմիտեն հաստատել է, որ Դոնեցկի մարզի Վերոլուբովկա գյուղի գնդակոծության հետևանքով զոհվել է կազմակերպության երեք աշխատակից, ևս երկուսը վիրավորվել է, փոխանցում է BBC-ի ռուսական ծառայությունը։
ԿԽՄԿ-ի հաղորդագրության մեջ ասվում է, որ հարվածը հասցվել է մի վայրի, որտեղ նախատեսվում էր մարդասիրական օգնության բաշխում։ Տեղի բնակիչները հարվածից չեն տուժել։
«Անհնար էր պատկերացնել, որ արկը կհարվածի օգնության բաշխման վայրին»,- ասել է ԿԽՄԿ նախագահ Միրյանա Սպոլյարիչ-Էգգերը:
ԿԽՄԿ-ն հայտնել է, որ իր աշխատակազմը մտադիր է փայտ և ածուխ բաժանել տեղի բնակիչներին տները տաքացնելու համար:
«ԿԽՄԿ-ի անձնակազմը մշտապես ներկա է Դոնեցկի մարզում, և մեր մեքենաները հստակ նշված են Կարմիր խաչի տարբերանշանով»,- ընդգծել են կազմակերպությունում։
