10.08.2026 | 10:49
Հայ շախմատիստները մասնակցում են «Spilimbergo International 2026»-ին
Քաղաքական ապաստան հենց այնպես չեն տալիս․ Արմեն Ռուստամյանը՝ Միքայել Հարությունյանի մասին․ ՏԵՍԱՆՅՈՒԹ
Քաղաքականություն
10.09.2018 | 17:04
Քաղաքական ապաստան հենց այնպես չեն տալիս, եթե այդպիսի բան կատարվի, ապա դա նշանակում է, որ այն քննությունը, որն իրականացվում էր, արդարացի չէր։ Քաղաքական ապաստան տալիս են այն դեպքում, երբ պարզվում է, որ մարդու իրավունքների խախտումների վտանգ կա։
Այս մասին այսօր Ազգային ժողովում լրագրողների հետ զրույցում, անդրադառնալով պաշտպանության նախկին նախարար Միքայել Հարությունյանի նկատմամբ ՌԴ տարածքում հետախուզումը դադարեցնելու որոշմանը, ասաց ԱԺ ՀՅԴ խմբակցության ղեկավար Արմեն Ռուստամյանը։
Հարցին՝ ինչպե՞ս էր Միքայել Հարությունյանը զբաղեցրել պաշտպանության նախարարի պաշտոնը, եթե նա 2002 թվականից եղել է ՌԴ քաղաքացի, Արմեն Ռուստամյանը պատասխանեց․ «Դե, ուրեմն այդտեղ խախտում կա, այդ բոլոր դեպքերը պետք է քննվեն ու վեր հանվեն։ Նախ՝ բավական երկար ժամանակի մասին պետք է խոսքը գնա, որովհետև մենք 2005 թվականից ունեցել ենք մի վիճակ, երբ երկքաղաքացիությունը թույլատրված է եղել։ Այո՛, գիտեմ դեպքեր, որ մարդիկ ինչ որ ձևվ փորձել են շրջանցել»,-ասաց Արմեն Ռուստամյանը։
Հիշեցնենք, որ Ռուսաստանի Դաշնությունը չեղարկել էր պաշտպանության նախկին նախարար Միքայել Հարությունյանի հետախուզումը։ Այս որոշմամբ՝ ՌԴ իրավապահները Միքայել Հարությունյանին չեն հանձնի Հայաստանին։
Մանրամասներըր՝ տեսանյութում։
