27.05.2026 | 16:03
Կալուգացի օլիգարխը, Քոչարյանը, էն բելառուսցի մեկը պետք ա բանտ նստեն, ինձ տվեք էդ մանդատը. Փաշինյան․ ՏԵՍԱՆՅՈՒԹ
Փաշինյանի օրոք Արցախը կործանվեց՝ չեք զարմանում, քոչարյանական աղջնակը փոխնախարար է դարձել, ապշե՞լ եք․ Նորայր Նորիկյան. ՏԵՍԱՆՅՈՒԹ
Քաղաքականություն
09.09.2024 | 20:00
«Արդար Հայաստան» կուսակցության ղեկավար Նորայր Նորիկյանին չի զարմացրել այն փաստը, որ Նիկոլ Փաշինյանը Արդարադատության փոխնախարար է նշանակել Սիրվարդ Գևորգյանին, որը նկար ունի Ռոբերտ Քոչարյանի դստեր, Քոչարյանի գրքի հետ։ Լուսանկարում երևում է նաև նախկին նախարար Արփինե Հովհաննիսյանը։ Ի դեպ, Սիրվարդ Գևորգյանը պարզաբանմամբ է հանդես եկել, նշելով, որ Ռոբերտ Քոչարյանին անձամբ չի հանդիպել, նրա դստեր հետ ծանոթացել է դեռ տարիներ առաջ, նույն կուրսում են սովորել, ինչպես նաև՝ որ ինքը կիսում է «Նիկոլ Փաշինյանի» դավանած Իրական Հայաստանի գաղափարախոսությունը։ Սակայն Նորայր Նորիկյանը չի ուզում լսել այս բացատրությունները, նրա թիրախը իշխանություններն են․
«Սա ցինիզմի դրսևորում է, Միշիկի եղբայրը նախարար է, ինչո՞ւ եք զարմացել, Փաշինյանը Քոչարյանով ոգևորված աղջնակին փոխնախարար է նշանակում։ Ախր չեք զարմանում, որ Փաշինյանի օրոք Արցախը կործանվեց, և զարմանում եք, որ քոչարյանական աղջնակը փոխնախարա՞ր է դարձել։ Փաշինյանը այդ մարդասպաններին չի՛ պատժել, ավելին՝ նա արդարացրեց Քոչարյանին, Սերժ Սարգսյանին, որոնք հռչակվեցին ընդդիմադիր լիդերներ։ Փաշինյանը ոչ միայն արդարացրեց Քոչարյանին, այլև՝ նրա խանութից 5 մլն դոլարի մեքենաներ գնեց։ Մարդասպանը բանտում պիտի նստի, ոչ թե խանութ ունենա, պետք է պատժվի։ Փաշինյանը թող ներողություն խնդրի ժողովրդից՝ խոստումները չկատարելու համար, ասի՝ խաբել եմ ձեզ, կամ չեմ կարողացել կատարել խոստումներս։ Փաշինյանի գահավիժումը ավելի ցավոտ է լինելու, ձեզ չթվա՝ Վանո Սիրադեղանից, Քոչարյանից, Տեր-Պետրոսյանից, Վազգեն Սարգսյանից ուժեղ եք»,- նշել է Նորայր Նորիկյանը։
Հարցազրույցն ամբողջությամբ՝ տեսանյութում։
Ռոբերտ Անանյան
