30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Կիևի իշխանությունները հայտնել են 9 ժամ տևած օդային տագնապի և մայրաքաղաքը գրոհած բոլոր ԱԹՍ-ների վնասազերծման մասին
Քաղաքականություն
05.09.2024 | 12:34
Հինգշաբթի գիշերը Ուկրաինայի գրեթե բոլոր՝ հարավային, հյուսիսային, արևելյան, կենտրոնական և արևմտյան շրջանները օդային հարվածի վտանգի տակ են եղել: Կիևում օդային տագնապ է հայտարարվել ավելի քան ինը ժամ, հաղորդում է BBC-ի ռուսական ծառայությունը։
Քաղաքային ռազմական վարչության տեղեկացմամբ՝ այդ ամբողջ ընթացքում «Շահեդ» տեսակի անօդաչու սարքերը փորձել են գրոհել Ուկրաինայի մայրաքաղաքը։
«Այս անգամ նրանք Կիևը գրոհել են հիմնականում առանձին, այլ ոչ թե խմբերով։ Բայց թշնամական անօդաչու թռչող սարքերից և ոչ մեկը չի հասել իր նպատակին: Բոլոր անօդաչուները, որոնք սպառնում էին մայրաքաղաքին, չեզոքացվել են»,- հայտնել է քաղաքապետարանը։
Կիևում զոհեր և ավերածություններ չկան։
