25.06.2026 | 14:50
ՄԻՊ-ը կալանքի կիրառման պրակտիկան շարունակում է խնդրահարույց համարել
Պուտինը ժամանել է Հռոմի ստատուտը վավերացրած Մոնղոլիա
Քաղաքականություն
02.09.2024 | 20:37
ՌԴ նախագահ Վլադիմիր Պուտինը պաշտոնական այցով ժամանել է Մոնղոլիա։ Ռուսաստանի ղեկավարի ինքնաթիռը վայրէջք է կատարել Ուլան Բատորի օդանավակայանում, փոխանցում է ՏԱՍՍ-ը:
ՌԴ նախագահի այցը կտևի երկու օր։ Սեպտեմբերի 3-ին նախատեսվում են երկկողմ հանդիպումներ, այդ թվում՝ Մոնղոլիայի առաջնորդ Ուխնաագին Խուրելսուխի հետ, ինչպես նաև մի շարք փաստաթղթերի ստորագրում:
Հիշեցնենք՝ Ռուսաստանի նախագահ Վլադիմիր Պուտինը հետախուզվում է Միջազգային քրեական դատարանի կողմից, որին Ուլան Բատորն անդամակցում է 2003 թվականից։ Հաագայի դատարանը Կրեմլի ղեկավարին մեղադրում է Ուկրաինայի տարածքներից ՌԴ երեխաների ապօրինի արտաքսման և ապօրինի տեղափոխման մեջ։
Սա հետախուզում հայտարարելուց հետո Պուտինի առաջին այցն է Հռոմի ստատուտը վավերացրած երկիր։
Ավելի վաղ Ուկրաինայի ԱԳՆ-ն Մոնղոլիայի իշխանություններին կոչ էր արել ձերբակալել Ռուսաստանի նախագահ Վլադիմիր Պուտինին այցի ընթացքում և հանձնել Հաագայի Միջազգային քրեական դատարանին։
Տեսականորեն ՄՔԴ անդամ երկրները պարտավոր են կատարել դատարանի որոշումը և կալանավորել Պուտինին։
