Քաղաքականություն
02.09.2024 | 20:00Օրերս կայացած մամուլի ասուլիսում վարչապետի ընտանիքին պատկանող թերթը հարց հնչեցրեց, որ Ռուսաստանը «ջղաձգվում» է հայ-ադրբեջանական պայմանագրի հեռանկարից, քանի որ այդ դեպքում դուրս կմնա ռեգիոնից: Եվ հենց իր ընտանիքին պատկանող թերթի այդ հարցին պատասխանելով, Նիկոլ Փաշինյանը հայտարարեց, որ անթույլատրելի է համարում գործընկեր Ռուսաստանի հասցեին այդպիսի հռետորաբանությունը։ Նա նաև կարծում է, որ պետք է հարգանքով խոսել ցանկացած պետության հասցեին այն էլ՝ «Ռուսաստանի պես երկրի»։
«Հանուն Հանրապետության» կուսակցության փոխնախագահ Ռուբեն Մեհրաբյանին հիշեցրինք, որ ինքը հաճախ է կոշտ բառապաշարով քննադատում ՌԴ-ին, և հաշվի առնելով դա՝ արդյո՞ք քաղաքական գործիչը հետևություն կանի։
Ռուբեն Մեհրաբյանը բացասական պատասխան տվեց․ «Ես չե՛մ հարգում ձեր սիրելի ՌԴ-ին, Նիկոլ Փաշինյանի խոսքից հետևություն չեմ պատրաստվում անել, ունեմ իմ հետևությունը։ Նիկոլ Փաշինյանին հարց եմ տալիս, ո՞ր ՌԴ-ի հետ հարգալից խոսեմ, այն ՌԴ-ի, որը անհարգալի՞ց է վարվում մեզ հետ։ Իսկ ՌԴ-ին ՀՀ-ի հետ կարելի՞ է անհարգալից խոսել, վարչապետը նաև դրանից պիտի խոսեր»,- նշեց նա։
Հարցազրույցն ամբողջությամբ՝ տեսանյութում։
Ռոբերտ Անանյան
