30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ-ն գիշերը Կիևի ուղղությամբ բալիստիկ ու թևավոր հրթիռներ է արձակել․ վիրավորներ կան
Քաղաքականություն
02.09.2024 | 14:05
Ռուսական զորքերը սեպտեմբերի 2-ի գիշերը հարվածել են Ուկրաինայի մայրաքաղաքին, ինչի հետևանքով երկու մարդ է վիրավորվել, հայտնել է Կիևի քաղաքապետ Վիտալի Կլիչկոն։ Սվյատոշինսկի թաղամասում հրթիռի բեկորների անկման վայրերից մեկում չորս ավտոմեքենա է հրդեհվել, հրդեհ է բռնկվել նաև ոչ բնակելի շենքում։ Բացի այդ, մասամբ վնասվել է մետրոյի «Սվյատոշին» կայարանի ապակե մուտքը, ինչպես նաև մոտակայքում գտնվող կրպակը, փոխանցում է Current Time-ը։
Գոլոսեևսկի թաղամասում հրդեհվել է ոչ բնակելի շենք Շևչենկովսկի թաղամասում, մեկ մարդ տուժել է բեկորների ընկնելու հետևանքով։ Կլիչկոյի խոսքով՝ նա այժմ բժիշկների կողմից հետազոտվում է։ Ընդհանուր առմամբ, հարձակման հետևանքով վիրավորվել է երկու մարդ, նրանցից մեկը հոսպիտալացվել է։
Քաղաքի քաղաքային վարչակազմի ղեկավար Սերգեյ Պոպկոն ասել է, որ Կիևի վրա հարձակումը համակցված է եղել. այն հասցվել է թևավոր և բալիստիկ հրթիռներով։
«Թևավոր հրթիռները (պոտենցիալ X-101), ամենայն հավանականությամբ, արձակվել են առավոտյան ժամը 3-ի սահմաններում ՌԴ Սարատովի շրջանից, Տու-95 МС ռազմավարական ռմբակոծիչներից։ Կիև այս հրթիռները հասել են հարավային ուղղությամբ բարդ մանևրներից հետո։ Մայրաքաղաքին թևավոր հրթիռների մոտենալուն զուգահեռ՝ հակառակորդն արձակել է KN-24/Իսկանդեր-Մ բալիստիկ հրթիռներ Կիևի և արվարձանների ուղղությամբ»,- հայտարարել է նա։
Ըստ Պոպկոյի՝ Կիևի գիշերային գնդակոծության ժամանակ հակաօդային պաշտպանության ուժերը խոցել են ավելի քան տասը թևավոր հրթիռ և շուրջ տասը բալիստիկ հրթիռ։
