18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ուկրաինային փոխանցված F-16-ի կործանման հետաքննությանը կներգրավվեն միջազգային փորձագետներ․ CNN
Քաղաքականություն
30.08.2024 | 16:03
Ամերիկյան CNN հեռուստաընկերությունը, հղում անելով ուկրաինական ռազմական շրջանակների աղբյուրներին, հայտնում է, որ Ուկրաինայի երկնքում F-16 կործանիչի կործանման հետաքննությանը կներգրավվեն միջազգային փորձագետներ։
Հայտնի է դարձել, որ օգոստոսի 26-ին Ուկրաինայի վրա ռուսական զանգվածային հրթիռային հարձակման ժամանակ երկրի ռազմաօդային ուժերը կորցրել են արևմտյան դաշնակիցների տրամադրած F-16 կործանիչներից մեկը։ Ուկրաինացի զինվորականները պաշտոնապես չեն հայտնել աղետի պատճառների մասին։
BBC-ի աղբյուրների փոխանցմամբ՝ ուկրաինական բանակը բացառում է օդաչուի սխալի վարկածը, և որ ինքնաթիռը խոցվել է ռուս զինվորականների կողմից։ Որոշ լրատվամիջոցներ և ուկրաինացի քաղաքական գործիչներ հայտնում են, որ կործանիչը կարող էր դառնալ «բարեկամական կրակի» զոհ, այսինքն՝ այն պատահաբար խոցվել է ՀՕՊ համակարգերի կողմից, սակայն այս վարկածը նույնպես դեռևս էական հաստատում չի ստացել։
Աղետի հետևանքով մահացել է ուկրաինացի օդաչու Ալեքսեյ Մեսը, որը սովորել էր F-16 կառավարել։
CNN-ի հրապարակման մեջ ասվում է, որ Մեսն ու մեկ այլ հայտնի ուկրաինացի օդաչու Անդրեյ Պիլշչիկովը դարձել են Ուկրաինայի զինված ուժերին F-16 կործանիչներ տրամադրելու արշավի գլխավոր դեմքերը։
