23.06.2026 | 13:10
Ժաննա Անդրեասյանը հետևել է «Հայոց լեզու և հայ գրականություն» առարկայի միասնական քննության ընթացքին
Ուկրաինական բանակը Կուրսկի մարզում շրջափակման մեջ է վերցրել 3 հազար ռուս զինվորի. BILD
Քաղաքականություն
29.08.2024 | 19:43
Ուկրաինացի զինվորականները Կուրսկի շրջանում շրջափակել են մոտ 3 հազար ռուս զինվորի, գրում է Bild-ը։
Օրեր առաջ Ուկրաինայի զինված ուժերին հաջողվել է գրավել Կրասնոօկտյաբրսկոյե գյուղը, ինչի արդյունքում ռուսական ուժերն արևմուտքից պետական սահմանով, իսկ հյուսիսից՝ Սեյմ գետով ամբողջովին շրջափակված են, նշում է Bild-ի ռազմական դիտորդ Ջուլիան Ռեպկեն՝ վկայակոչելով արբանյակային տվյալները։
Իրավիճակին ծանոթ աղբյուրների համաձայն՝ շրջափակման տարածքը կարող է կազմել մոտ 700 քառակուսի կիլոմետր։ Խոսքը 20×35 կմ տարածքի մասին է, որը լիովին անջատվել է այն բանից հետո, երբ ուկրաինական զինված ուժերն օգոստոսի 16-ին, 18-ին և 19-ին HIMARS համակարգերի հարվածներով և ավիացիայի օգնությամբ պայթեցրել էին երեք կամուրջներ Սեյմ գետի վրա: Շրջափակված ռուս զինվորականների մեծ մասը գտնվում է Տյոտկինո և Գլուշկովո գյուղերում՝ յուրաքանչյուրում հազարական, հազար զինվոր էլ գտնվում է սահմանի երկայնքով, ավելի վաղ նշել էր Bild-ի աղբյուրը։
Ուկրաինական ուժերին հաջողվել է շրջափակել տարածքը՝ չնայած այն բանին, որ ռուս զինվորականներին հաջողվել է դուրս բերել Ուկրաինայի զինված ուժերը Կորենևո գյուղից, որն օգոստոսի 20-ից գտնվում էր Կիևի վերահսկողության տակ՝ համանուն երկաթուղային կայարանի հետ միասին, նշել է Ռեպկեն։
