Հասարակություն
28.08.2024 | 17:27
Տավուշի մարզի պարեկները օգոստոսի 27-ին՝ ժամը 9-ի սահմաններում, ծառայություն իրականացնելիս Աղստև գետի ափին՝ Ակնաղբյուր բնակավայրի վարչական տարածքում, նկատել են մի տղամարդու, որը հոսանքահարելու միջոցով ձուկ էր որսում:
Խաշթառակ գյուղի բնակիչ 60-ամյա տղամարդը, ապօրինի որսած մոտ երկու կգ կողակ տեսակի ձկան և «ՎԱԶ-2106» մակնիշի մեքենայով հանդերձ, տեղափոխվել է ոստիկանության Իջևանի բաժին, ապա կազմված փաստաթղթերի հետ ներկայացվել է Տավուշի մարզային քննչական վարչություն:
