09.09.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Քամալա Հարրիսն իր քարոզարշավի համար ավելի քան կես միլիարդ դոլար է հավաքել
Քաղաքականություն
26.08.2024 | 13:43
ԱՄՆ նախագահի պաշտոնի համար պայքարի մեջ մտնելուց ի վեր Դեմոկրատական կուսակցության թեկնածու Քամալա Հարրիսը և նրա փոխնախագահի թեկնածու Թիմ Ուոլսը հավաքել են 540 միլիոն դոլարի նվիրատվություն, հայտնել է Հարրիսի քարոզարշավը ղեկավարող Ջեն Օ՛Մելի Դիլոնը։ Ավելին, կես միլիարդի սահմանագիծը հատվել է օգոստոսի 22-ին՝ այն բանից հետո, երբ Հարրիսը պաշտոնապես ընդունել է ԱՄՆ նախագահի թեկնածուի առաջադրումը, փոխանցում է DW-ի ռուսական ծառայությունը։
Ըստ Օ՛Մելի Դիլոնի՝ ամենաակտիվ նվիրատվությունները սկսվել են անմիջապես Չիկագոյում Դեմոկրատների ազգային համագումարի ժամանակ Հարիսի ելույթից հետո՝ հավելելով, որ «դա լավագույն ժամն էր դրամահավաքի համար»:
Հարրիսի մրցակիցը՝ հանրապետական թեկնածու Դոնալդ Թրամփը, ավելի վաղ հայտնել էր, որ օգոստոսի սկզբին 327 միլիոն դոլարի նվիրատվություններ է ունեցել: Հարրիսը Թրամփից առաջ է անցել դրամահավաքի առումով. հուլիսին նրա նախընտրական արշավը ստացել է 310 միլիոն դոլարի նվիրատվություն, մինչդեռ Թրամփի դրամահավաքը նույն ժամանակահատվածում կազմել է 138,7 միլիոն դոլար։
