04.06.2026 | 21:44
Հայաստանը 5500 վարդ է արտահանել Լատվիա. ԵՄ-ն խոստանում է աջակցել հայկական արտադրանքի մուտքին եվրոպական շուկա
Երևանի գլխավոր խնդիրը հանրային տարածքների զավթումն է, երևանցուն «վարժեցրել են» լինել իներտ. Վահան Արծրունի․ ՏԵՍԱՆՅՈՒԹ
Հաղորդաշարեր
24.08.2024 | 19:00
«Երևանի գլխավոր խնդիրը հանրային տարածքների զավթումն է, այդ խնդիրն արդեն 30 տարի է՝ առկա է: Քաղաքացուն քաղաքը վերադարձնելու խնդիրն անփոփոխ է ու արդիական»,- Factor TV-ի հետ զրույցում տեսակետ է հայտնում կոմպոզիտոր, երգիչ Վահան Արծրունին:
Նրա խոսքով՝ հաճախ բնակիչները համաձայնություն են տալիս, որ, օրինակ, իրենց շենքում կրթօջախ աշխատի, որոշ ժամանակ անց տերերն այդ տարածքը վերավաճառում կամ վարձով են տալիս սննդի, ժամանցի վայրի. «Քաղաքացին ոչ թե մերվել է, այլ հոգնել: Պետությունը քեզ «վարժեցնում է» չմիջամտել և իր նպատակին հասնում է: Ունենք իներտ հասարակություն, որը դժվարությամբ է արձագանքում խնդիրներին»:
Վահան Արծրունին խոսում է նաև մշակույթի, մասնավորապես, ռաբիսության մասին, նշում, որ դա ներքին պահանջ է, որը ձգում է նաև մեր իշխանություններին։
«Դա դրսևորվում է կենցաղում, քաղաքականության մեջ: Երբ ունես այդ աղբյուրներից սնվելու ներքին պահանջ, դա զսպել հնարավոր չէ: Իշխանության որդեգրած բոլոր մոդելներում այդ ասիականությունը հսկայական բաժին ունի»,- ասում է նա:
Մանրամասները՝ տեսանյութում:
Աննա Բաբաջանյան
