09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Իսլանդիայի հարավ-արևմուտքում կրկին հրաբուխ է ժայթքել․ ՏԵՍԱՆՅՈՒԹ
Քաղաքականություն
23.08.2024 | 15:38
Իսլանդիայի հարավ-արևմուտքում գտնվող Ռեյկյանես թերակղզում հերթական հրաբխի ժայթքումն է տեղի ունեցել: Սա վեցերորդ ժայթքումն էր վերջին ինը ամիսների ընթացքում, գրում է DW-ի ռուսական ծառայությունը։
Դրան նախորդել է 4 բալ ուժգնությամբ երկրաշարժ, Իսլանդիայի օդերևութաբանական գրասենյակը գնահատում է, որ ճեղքի ընդհանուր երկարությունը, որի միջով շարունակում է ժայթքել լավան, 3,9 կիլոմետր է:
Դեռևս պարզ չէ, թե որքանով է այս ժայթքումը նոր վտանգ ներկայացնում կղզու Գրինդավիկ ձկնորսական գյուղի համար։ Տեղի հրշեջ վարչությունից հայտնել են, որ կանխարգելման նպատակով բնակիչները կրկին տարհանվել են։ Նախորդ ժայթքումներից լավայի հոսքերն արդեն հասել են Գրինդավիկի ծայրամաս, որտեղ ապրում է մոտ 4000 մարդ:
Ռեյկյանես թերակղզում վերջին հրաբխի ժայթքումը գրանցվել է երկու ամիս առաջ և տևել է ավելի քան երեք շաբաթ:
Ընդհանուր առմամբ, Իսլանդիան ունի ավելի քան 30 ակտիվ հրաբուխ։
