15.07.2026 | 13:54
Զարթոնքում քննարկվել են մարդու իրավունքների պաշտպանությանն առնչվող հարցեր
Կանգառ՝ հետիոտնային անցման դիմաց. անվտանգության և կահավորման անտեսված խնդիրները Երևանում․ ՏԵՍԱՆՅՈՒԹ
Հասարակություն
22.08.2024 | 18:45
Րաֆֆու փողոցի կանգառասրահներից մեկը տեղադրված է հենց հետիոտնային անցման դիմաց։ Քաղաքացիներն անցնում են հետիոտնային մաշված գծանշումներով և հասարակական տրանսպորտի սպասում հենց անցման առաջ։ «Ճանապարհային երթևեկության անվտանգություն և վերահսկողություն» ՀԿ անդամ Արտակ Գաբոյանն ընդգծում է՝ սա անվտանգության տեսանկյունից շատ սխալ է։
Չկահավորված կանգառներն ու մի կերպ աչքի ընկնող հետիոտնային անցումները Րաֆֆու և Շերամի փողոցներով քայլելիս անընդհատ են հանդիպում։ Դրանք փորձություն են դարձել թե՛ հետիոտների, թե՛ հասարակական տրանսպորտի սպասող ուղևորների, և թե՛ ընդհանուր երթևեկության համար։ Որոշ տեղերում մարդիկ, այսպես ասած, ապօրինի կանգառներ են ստեղծում և ծառերի հովին տրանսպորտի սպասում․ չկա կանգառասրահ, չկա նաև դրա մասին հիշատակող ցուցանակ։
Կանգառի մասին փաստող մեկ այլ ցուցանակն էլ տեղադրված է Շերամի փողոցի այն հատվածում, որտեղ տարբեր խանութներ և հանրային սննդի օբյեկտներ են։ Խանութներից մեկի սեփականատերերը, որը չցանկացավ խոսել տեսախցիկի առաջ, ասաց, որ Երևանի ավագանու ընտրությունների մոտ օրերին են ցուցանակն այստեղ տեղադրել։
Արտակ Գաբոյանը նշում է՝ կանոնավոր և հավուր պատշաճի կահավորված քաղաք ունենալու առաջնային գործոններից մեկը գծանշումների առկայությունն է։
Կանգառների կահավորման և տրանսպորտին վերաբերող խնդիրների շուրջ մեկնաբանություն ստանալու խնդրանքով Factor TV-ին դիմեց Երևանի քաղաքապետարան։ Այստեղ, սակայն, հրաժարվեցին խոսել՝ նշելով, որ այդ խնդիրներին կանդրադառնան սեպտեմբերից։ Պատճառների մասին, սակայն, ոչինչ չնշեցին։
Մանրամասները՝ տեսանյութում։
Անի Թամրազյան
