20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Ինչպե՞ս է պատահում, որ Մոսկվայի հայտարարություններին արձագանքում են, Բաքվի դեպքում՝ լռության մատնում. Տաթևիկ Հայրապետյան. ՏԵՍԱՆՅՈՒԹ
Քաղաքականություն
22.08.2024 | 19:00
Տարօրինակ է, որ ՀՀ ԱԳՆ-ն Մոսկվայից եկող հատարարություններին արձագանքում է, իսկ Բաքվի դեպքում՝ լռության մատնում։ Այս մասին Factor TV-ի հետ զրույցում ասաց Ադրբեջանի հարցերով փորձագետ Տաթևիկ Հայրապետյանը։
Նրա կարծիքով՝ արտգործնախարարությունը լրջորեն թերանում է իր արձագանքներում։
«Ինձ համար շատ տարօրինակ է, որ Լավրովի հետ կապված հայտարարությունն այդպիսի տոնայնությամբ կհնչի, բայց երբեք արձագանք չի լինի Ադրբեջանի այն հայտարարությանը, որտեղ ՀՀ տարածքին տրվում է այլ անվանում։ Այդպիսի ակնհայտ տարածքային նկրտումներ պարունակող հայտարարություններ, որոնք գալիս են Բաքվից, մնում են անարձագանք։ Ուստի, ես կարծում եմ, որ իրենք զլանում են իրենց աշխատանքում»,- նկատեց փորձագետը։
Անդրադառնալով վերջին օրերին ադրբեջանական ապատեղեկատվական արշավին, որ հայկական կողմը կրակում է, Տաթևիկ Հայրապետյանը նշեց, որ այս փուլում գործ ունենք Ադրբեջանի կողմից ուժի սպառնալիքի հետ։ Այդ նույն ձեռագիրը, ըստ Տաթևիկ Հայրապետյանի, Ադրբեջանը կրկնում էր նաև Կիրանցի դեպքերից առաջ։
Ինչ վերաբերում է խաղաղության պայմանագրի կնքման հավանականությանը, Հայրապետյանը կարծիք հայտնեց, որ լավագույն դեպքում այն կունենա ինչ- որ հռչակագրի բնույթ։
Հարցազրույցն ամբողջությամբ՝ տեսանյութում։
Մանյա Պողոսյան
